Biglang nanghina si Mariah… Sumagi sa isip niya ang naganap kagabi. In-denial pa siya nang una. Pilit na isinisiksik niya sa isipan na panaginip lamang ang kapangahasan na ginawa niya. Pero heto siya ngayon at sinasampal na siya ng paulit-ulit na katotohanan at resulta ng pag-inom niya. Paano niyang lulusutan ang ginawa? Sana ay hindi na lamang siya uminom. Ngunit huli na.
"Hindi mo ba talagang naaalala? O nagpapanggap ka lang na wala kang alam?" wika ni Jen habang nakatingin sa kanya ng may pagdududa.
Humigop muna siya sa kape niya na para bang doon siya kukuha ng lakas ng loob. Nagdesisyon na siya. Aaminin na lamang niya rito ang totoo. Siguradong hindi naman siya makakaligtas sa pag-uusisa nito. Inilapit niya ang inuupuan kay Jen. Tumingin muna siya sa silid na pinasukan ni James bago
