Kabanata 23
Napabuga na lang ako ng hangin nang muling maalala ang mga binibintang sa akin ni Sir Alonzo. Tatlong araw na ang nakakalipas pero hindi pa rin talaga mawala-wala ang inis na nararamdaman ko.
Siya, gagayumahin ko? Ano ako, sabog?
Oo, gwapo siya; aaminin ko. Iyon ang unang impresyon ko sa kanya, pero nang ibuka niya ang bibig niya at nang malaman ko kung paano niya itrato ang anak niya, nawala na ang kagwapuhan niya. Sa mga mata ko, isa na lang siyang pabaya at walang kwentang lalaki at ama; isang lalaking iniisip na lahat ng babae ay mahuhumaling sa kanya. Jusko!
Bumalik ako sa wisyo nang sundutin ni Uno ng lapis ang pisngi ko. Doon ko lang napagtanto na masyado na palang malalim ang iniisip ko at nakalimutan ko nang tinuturuan ko pa pala siya ng lessons niya.
“Uno, when
