البارت الثالث ?

1600 Words

بعد ساعه وصلت ملاك ومعاها اسيل عند المستشفى ولقت علاء مستنيها سلموا عليه واخد منها الورق واتفق معاها انه هيكلمها اول لما يخلص طلعت ملاك ودخلت لابوها : حبيبى يابوعلى عامل ايه النهارده على بيكلم بالعافيه : الحمد لله المهم انتى عامله ايه انا عارف انك مش بتعرفى تنامى لوحدك فى البيت ملاك ماسكه نفسها علشان متعيطش : متقلقش انت اسيل باتت معايا ركز انت على صحتك علشان تروح البيت وحش قوى من غيرك على ابتسم : حاضر ياحبيبتى هبقى كويس علشانك انشاء الله دخلت الممرضه : كفايه ياانسه ملاك علشان ميتعبش ملاك : حاضر انا طالعه اهو قربت باست ابوها من خده : هجيلك بليل تانى فى معاد الزياره التانى على : خليكى مرتاحه فى البيت يابنتى كفايه عليكى دلوقت ملاك: قول بقى انك مصدقت تخلص منى ،(ووطت صوتها )تلاقيك هايص مع الممرضات ايوا ياعم على ضحك بالعافيه :يابت هو انا فيا نفس ملاك: اه منك انت ياعلوه وابو عيون خضرا ياحلوا انا هسيبك وهرجعلك بليل يالا سلام على : مع ال سلامه خلى بالك من نفسك ملاك : حاضر وانت كمان مشت ملاك من عنده ودموعها على خدها على ابوها الى راقد لا حول له وقوه تانى يوم اتصل علاء بملاك وطلب يقا**ها علشان يديها الورق نزلت قابلته علاء : خدى بالك ياملاك كويس من نفسك واوعى تثقى فى حد وتقوليلوا انك بنت ملاك : ماتخفش ياعلاء انت عارفنى فى الجد مابعرفش ابويا المهم مش هتقولى الورق اتكلف كام علاء : خلاص بقى يابنتى هنفضل نتكلم فى الحوار ده كتير المهم الورق اهو وعملت لك سى فى كمان ملاك اخدت الورق وبصت فيه : ايه ده !! ده فعلا الورق متفرقوش عن الاصل ربنا يكرمك ياعلاء وشكرا قوى على وقفتك معايا علاء : ياريت كان بايدى حاجه اعملها وكنت اديتك الفلوس من غير ماتعرضى نفسك لوجع القلب ده ملاك: ربنا يخليك كفايه قوى وقوفك معايا ومتخفش عليا انا افوت فى الحديد علاء ضحك : ماشى ياستاذ ملاك اى اوامر تانيه ملاك تخنت صوتها : متحرمش منك يازميلى علاء ضحك بصوته كله : لا والله يجى منك بس قوليلى هتعملى ايه فى شكلك الى استحاله يبقى على راجل ملاك: لا متقلقش شنب ودقن وب**كه رجالى وابقى ولا توم كروز علاء لسه عمال يضحك: والله انا متخليك وانتى داخله على الشركه الى مافيهاش ولا ست دى اول ماهشوفكى هيتعمل عليكى حفله ماهما محرمين بقى وجالهم راجل قمر ملاك: هى هى هى خفه ياولا لا ميغركش شكلى دانا بميت راجل علاء: ماشى ياراجل اسيبك بقى سلام ملاك: مع السلامه روحت ملاك علشان تستعد لدخول عالم الراوى ومتعرفش ايه الى مستنيها ********************** قدام شركه الراوى وقفت ملاك متوتره مش عارفه تكمل ولا لا حسمت امرها ودخلت للاستقبال كانت لبسه بدله رجالى سودا وقميص ابيض وكرفت ولبست ب**كه رجالى وركبت شنب ودقن ولبست كمان نضاره كبيره تدارى بيها ملامحها ورغم كل ده كان شكلها ملفت وقفت قدام موظف الاستقبال وخشنت صوتها زى الرجاله : صباح الخير موظف الاستقبال احمد بصلها قوى : صباح النور اى خدمه ملاك: انا كنت جاى اقدم للاعلان الى طالب سكرتير احمد : اه ممكن السى فى بتاع حضرتك ملاك: اتفضل احمد اخد السى فى بص فيه : طيب اتفضل اطلع الدور التالت عند مكتب أسر بيه ملاك ابتسمت : شكرا طلعت الدور التالت وكان قلبها بيدق جامد من التوتر دخلت كان فى حوالى عشره فى اوضه الانتظار قالت لنفسها : يالهوى كل دول عليه العوض اكيد اكترهم معاهم وسطه يعنى الشغلانه راحت يارب خليك معايا فضلت مستنيه لحد ما دخل شاب ليه هيبه رهيبه كلهم وقفوا وهو وقف بص عليهم واحد واحد واتكلم اخيرا : انا أسر الراوى المفروض واحد فيكم هيبقى السكرتير بتاعى ولانى لحد النهارده بعانى من كل واحد اجى اشتغل معايا علشان كده انا الى هختبركم بنفسى وطبعا مش محتاج افكركم ان اى واحد معاه واسطه ياريت مايقولش عليها علشان ساعتها حتى لو هو كفأ هعتبر نفسى مشفتوش حد عنده اى سؤال (محدش رد عليه ) كويس استاذ ادم جاى دلوقت هيدخلكم واحد واحد بالتوفيق ملاك كانت واقفه وحاسه ان ركبها بتخبط فى بعض وكانت نفسها تهرب بس افتكرت ابوها وده قوه عزمتها نوعا ما وفضلت مستنيه دورها الى كان الاخيره لانها جايه اخر واحده عند اسر كان كل واحد يدخل يقعده قدام اللاب ويديله ورقه فيها حوالى الفين كلمه المفروض يكتبهم فى ربع ساعه وطبعا الورقه فيها كلام عربى وانجليزى اختبر حوالى تسعه وكلهم محدش فيهم كمل حتى نص الورقه أسر فقد الامل ان ممكن يلاقى واحد عنده السرعه والذكاء الى هو محتاجهم دخل اخر واحد قبل ملاك وبرده مقدرش يخلص الورقه كلها واجى دور ملاك دخلت متوتره وبصت لأسر : صباح الخير يا فندم أسر بصلها قوى وقال فى نفسه : هو صحيح شكله فرفور بس يمكن فيه الامل (رد عليها بعد تفكير) صباح النور اتفضل الورقه دى فيها حوالى الفين كلمه كل الى عليك تكتبهم على اللاب وقدامك ربع ساعه ملاك اخدت الورقه وراحت على اللاب وحاولت تهدى نفسها هى طول عمرها سريعه جدا فى الكتابه على الكيبورد بس هى خايفه من توترها افتكرت ابوها تانى غمضة عنيها ثانيه وفتحت وفى حوالى ١٣ دقيقه كانت مخلصه الورقه من غير ولا غلطه أسر مكنش مصدق نفسه مسك اللاب وفضل يراجع ورها لقى ان مافيش ولا غلطه اسر ابتسم : كويس قوى اخير لقيت واحد سريع فى الكتابه ملاك فرحت وردت بصوت مخشن : متشكر قوى لحضرتك أسر مسك السى فى بص فيه شويه ورجع بصلها : دانت كمان لسه خريج السنه دى وياترى بقى اخبار اللغه ايه ملاك : احمم حضرتك انا معيا ست لغات إنجليزي وفرنساوى المانى ايطالى اسبانى ويابانى أسر بصله وشك انه يكون بيكذب : تمام انا هقولك جمله عربى وعايزك تقولهالى بالست لغات ملاك : اتفضل قول الجمله أسر شايفه بيكلم بثقه: تمام ترجملى المريض يعانى من التهاب فى المعده والقولون وكذالك يعانى من تضخم فى الكبد ملاك بصتله قوى وفى نفسها هو ده اختبار ايه بضبط بس ماشى وفعلا قالته الجمله بالست لغات وده خلاه اتاكد انه فعلا شاطر فى كل حاجه (طبعا الكلام على ملاك الراجل ركزو اه?) اسر : تمام كده قوى شكلك فعلا ممتاز فى كذا حاجه عموما انت كده اتقبلت ملاك الفرحه مش سيعاها لدرجه انها نست واتكلمت بصوتها عادى : بجد حضرتك أسر بصلها قوى ولنفسه : انا قولت شكله فرفور بس مش مهم المهم انه ذكى وشاطر ملاك لحقت نفسها وتخنت صوتها تانى : انا متشكر قوى يافندم واتمنى اكون عند حسن ظن حضرتك أسر : طيب اتفضل اوريك مكتبك ملاك استغربت : هو انا هبدأ دلوقت أسر : فى مشكله انك تبدأ من النهارده أظن انك عارف ان مافيش حد موجود حاليا فى السكرتارية وفى شغل كتير واقف فعلى الاقل لازم تبدا من النهارده علشان تتاقلم مع الشغل وتتعرف على نظام الشغل ملاك بتفكر هى المفروض تروح لابوها هتعمل ايه فضلت سرحانه لحد مااخيرا افتكرت اسيل وقالت تكلمها تروحله وتقوله انها اشتغلت وهتروحله هى بليل اسر لما لاقاه سرحان : هو فى مشكله ياستاذ ملاك ملاك فاقت من تفكرها : لا ابدا يافندم اصل انا والدى تعبان فى المستشفى والمفروض كنت اروحله بس خلاص هبعتله واحد صاحبى وانا هروح بليل اسر استغرب: انت مالكش حد تانى ممكن يراعيه اخت اخ والدتك ملاك عنيها دمعت بس مسكت نفسها : احمم لا انا وحيد ووالدتى متوفيه من زمان أسر صعب عليه : طيب انت ممكن تروح تطمن عليه وترجع تانى ملاك فكرت هتروح ازاى بالمنظر ده : لا خلاص انا هطمن عليه بليل انشاء الله وهكلمه دلوقت فى الموبيل اسر : طيب تمام اتفضل على مكتبك واستاذ أدم هيجى يعرفك شغلك وايه المطلوب منك ملاك راحت قعدت على المكتب وهى فرحانه جدا شويه ودخل عليها واحد شبه اسر شويه أدم : اهلا وسهلا بيك يارب ترتاح معانا فى الشركه ملاك قامت : اهلا بحضرتك أدم قرب سلم عليها: انا أدم الراوى اخو أسر اتفضل اوريك نظام الشغل ماشى ازاى ملاك : اه اهلا استاذ ادم انا بس استاذنك اعمل مكالمه لوالدى انا مستاذن من استاذ اسر أدم ابتسم : اه اتفضل انا عارف اننا اخدناك على مشمك زى مابيقولوا ملاك ابتسمت: لا ابدا انا جاهز للشغل مافيش مشكله ادينى خمس دقايق واكون تمام اتصلت ملاك على اسيل : الو ايوا ياسولا اسيل : صوتك بيقول انك قبلتى ملاك : اه الحمد لله قبلت واشتغلت كمان من النهارده شكلهم ماصدقوا لقوا حد بيفهم ضحكت اسيل : ماشى يانبغه على البركه ملاك : الله يبارك فيكى المهم انا عايزه منك خدمه اسيل : اومرى ياحبيبتى ملاك : عايزاكى تروحى لبابا وقوليلوا انى اشتغلت وهجيله بليل اسيل : حاضر هلبس وهروحله بس لو سالنى اشتغلت فين ملاك بسرعه : ماتقوليش اى تفاصيل قوليه فى شركه ادويه بس اسيل : ماشى ياستى عنيا بس بالله عليكى ياملاك خلى بالك من نفسك ماشى ملاك: ماشى ياحبيبتى سلام بقى لحسن استاذ ادم مستنى علشان يسلمنى الشغل اسيل : أدم مين يابت حلو ده ملاك : اصوت منك ده وقته غورى يابت سلام قفلت السكه وراحت على مكتبها وبدات الشغل وفى خلال كام ساعه كانت فهمت المطلوب منها وبدات فيه ******************** فى مكان تانى جوه مستشفى للامراض النفسيه كانت واقفه ست كبيره فى السن بس رغم سنها الا انها كانت ملامحها جميله واقفه قدام بنت فى العشرينات بتحاول معاها تاكل : يالا ياحبيبتي علشان خاطرى كلى الحته دى بس يا روكا رقيه : مش عايزه حاجه ياطنط عفاف عفاف: يابنتى انتى ماكلتيش حاجه من الصبح ولو الدكتور عرف هيزعقلى يرضيكى يزعق فيا وانا ست كبيره كده رقيه بصتلها وعنيها مليانه دموع : انا عايزه اموت ليه مش راضين يسبونى اموت وارتاح عفاف شدت كرسى وقعدت جنبها ومسكت ايدها: ليه كده يارقيه انتى صغيره وحلوه ومش علشان حصلتلك حادثه يبقى كده خلاص حياتك انتهت رقيه دموعها نزلت : انا فعلا حياتى انتهت من يوم ماتلموا عليا كلاب سعرانه وهتكوا عرضى وبكل بساطه بقيت انا الجانيه الى فرطت فى شرفى بسهوله رغم انى كنت بين الحيا والموت بس الكل ظلمنى واجى عليا واولهم خطيبى وحب عمرى الى مربينى على ايده وبنحب بعض من صغرنا اول واحد اتخلى عنى تبقى دى ناس ممكن اعيش وسطهم الدكتور كان واقف وراها وفرح انها اخيرا اتكلمت عفاف شافته وجت تقوم شاورلها تقعد وتكمل معاها كلام ......

Free reading for new users

Scan code to download app

App Store Google Play

Facebookexpand_more