عدت ساعات الشغل على ملاك كانها سنين وهى مش قدره تفكر فى اى حاجه عقلها وقف فضلت مسهمه لحد معاد مروحها قامت اخدت موبيلها ولسه هتمشى خرج اسر من مكتبه كان ماشى بصلها ببرود
: افتكر لو وفقتى على الجواز معدش ليه لزوم تلبسى راجل تانى
ملاك بصتله قوى وردت عليه ببرود : دا لو وافقت (وسابته ومشت )
فضل واقف يبصلها بغيظ وهو بتوعدلها
: اقسم بالله لعلمك الادب ياملاك يابت على واقصلك ل**نك الطويل ده بنفسى
روحت ملاك وهى على اخرها غيرت هدومها وهى نازله قابلت هاله طالعه
: طنط هاله انا كنت جايلكم المستشفى
ردت عليها هاله وهى بتكمل طلوع
: لا ياحبيبتى خليكى اصل با
قاطعها ملاك بخوف وهى مسكه فيها برعب
: مروحش ليه بابا جراله حاجه قوليلى ياطنط والنبى
هدتها هاله وهى بتحاول تتكلم
: يابنتى بالراحه فى ايه باباكى كويس الحمد لله كل الحكايه انه حلف عليا اروح وقالى مخليكيش تيجى
هديت ملاك شويه وكملت كلامه
