تانى يوم عند سهام اتصلت بعاطف علشان تشوفه عمل ايه بعد ماجبتله عنوان رقيه علشان يروح يقتلها
: الو ايوا ياعاطف عامل ايه
عاطف رد عليها بهيام
: الحمد لله ياقلبى
سهام ردت بضيق منه بس هتعمل ايه مضطره تفضل قريبه منه لحد مايخلصها من رقيه
: ها ياعطوفه عملت ايه
عاطف رد عليها وهو قلقان من رد فعلها
: روحت سالت من بعيد لبعيد عليها عرفت انها اتجوزت وكان فرحها من كام يوم
سهام قلبها اتقبض وحست ان العريس ممكن يكون احمد اتكلمت بتوتر
: ماعرفتش اتجوزت مين ياعاطف
عاطف رد بثقه : عيب عليكى عرفت طبعا
سهام اتنرفزت : مين ياعاطف ماتقول على طول انت لازم تطلع روحى
عاطف : بالراحه طيب مترفزه ليه كده اتجوزت دكتور اسمه احمد
سهام اتصدمت وحست بوجع فى قلبها عمرها ماحسيته ردت عليه وهى مش عارفه تتكلم
: عاطف اقفل دلوقت وهكلمك بعدين
وقبل ماعاطف يرد كانت قفلت السكه ورمت التليفون وفضلت تعيط بهستريا وهى بت
