البارت السابع ?

1478 Words

فى فيلا الراوى كان شريف قاعد فى مكتبه وقدامه صور كتير ليه مع هاله مراته ومعاهم عيالهم فضل عينه على الصور وعيونه مليانه دموع حابسها غمض عنيه ورجع بذكرياته لسنين كتير فلاش باك.... كان شريف فى الشركه وجاله اتصال من هاله : الو ايوا ياحبيبتى هاله : انت لسه فى الشركه ياشريف لحد دلوقت الحفله بدات والناس بتسال عليك شريف : خلاص والله ربع ساعه وهكون قدامك هاله بغيظ : ياشريف دى رابع مره تقولى ربع ساعه عموما ابقى اتصرف مع أدم لما تيجى ده رافض يطفى الشمع الا لما تيجى وقاعد زعلان مش راضى يكلم حد شريف قام من على المكتب وهو بيكلمها : خلاص والله انا بكلمك وانا نازل عشر دقايق واكون قدامك هاله : طيب ياحبيبى بس متجريش بالعربيه شريف ابتسم : الله منين مش عيزانى اتاخر ومنين بتقولى متجريش بالعربيه حيرتينى يالولا هاله ابتسمت هى كمان : انا عايزاك تيجى بسرعه بس عارفه سواقتك لما بتكون مستعجل وانا بخاف عليك ياحبيبى شريف : طيب على فكره انا خلاص ركبت العربيه وطالع على الطريق عايزه حاجه اجبهالك وانا جاى هاله : عايزه سلامتك تيجى بالسلامه شريف : تسلمى ليا ياعمرى هاله : يالا اقفل بقى علشان الطريق شريف : حاضر سلام هاله قفلت معاه وراحت لادم الى قاعد زعلان وأسر قاعد جنبه يواسيه : خلاص يادومه بابا جاى فى الطريق متزعلش بقى أدم اتكلم بزعل : يعنى حتى يوم عيد ميلادى مش عارف يخده اجازه كل حاجه شغل شغل أسر : خلاص بقى ياأدم وبعدين انت كبرت على القمص ده ضحكت هاله : كبر ايه ياأسر ده يادوب هيتم ١٣ سنه أسر : وهو يعنى ياماما ١٣سنه صغير ده حتى بقى عنده شنب أدم : طيب مانت كمان بقى عندك شنب وساعات بتتقمص من ماما لما تسيبك وتخرج أسر : انا مابتقمص بس بخاف عليها لما تخرج لوحدها هاله ضحكت عليهم وعلى نقارهم الى مش بيخلص : خلاص بقى بطلوا نقار وروحوا شوفوا اصحابكم عبال مابابا يجى الاتنين : حاضر ياماما راحوا أسر وأدم لصحابهم ووقفت هاله عنيها على باب الجنينه عند شريف كان سايق العربيه بسرعه جدا علشان ميتاخرش عليهم اكتر من كده فجاه لقى عربيه نقل جايه عليه مخالف معرفش يهرب منها خبطت فى جامد لدرجة ان عربيته اتقلبت بيه تلات مرات الناس اتلمت على عربية شريف وطلبوا الاسعاف شريف كان سامع كل حاجه بس مش قادر يتحرك واحد من الناس الى كانوا واقفين : ياجماعه تعالوا نطلعوا بره العربيه واحد تانى : لا متحركوش علشان لو فيه **ور متزيدش انا طلب الاسعاف وهما جاين بعد حوالى ربع ساعه وصلت الاسعاف واخدت شريف والسواق على المستشفى عند هاله كانت واقفه قلبها مقبوض وبتحاول تتصل بشريف ومافيش رد أسر قرب عليها : ماما بابا اتاخر قوى والناس زهقت وأدم قالب الدنيا هاله : مش عارفه ياأسر بتصل بيه بيرن ومحدش بيرد أسر قلق : طيب جربى تانى كده يمكن يرد هاله اتصلت تانى مره واتنين وتلات مره التليفون اتفتح : ايوا ياشريف مابتردش ليه : انا مش شريف حضرتك هاله استغربت : مين معايا ده تليفون جوزى : احمم حضرتك صاحب التليفون ده عمل حادثة ون هاله مسمعتش باقى كلامه : اييييه حادثه هو فين حصله حاجه رد عليا : والله لسه مش عارفين انا كنت واقف ساعت الحادث و اجيت معاه المستشفى هو حاليا فى العمليات هاله كانت عماله تعيط وكل الى كانوا فى الحفله اتلموا عليها وأسر وأدم واقفين جنبها يعيطوا هما كمان : طيب هو فى مستشفى ايه : مستشفى الرحمه انا هستنى حضرتك لما تيجى علشان تخدى حاجته هاله قفلت معاه وجرت على عربيتها وورها عيلها وبعد نص ساعه وصلت المستشفى وكانت منهاره وصلت قدام اوضه العمليات لقت حسين صاحب شريف ومدير شركته هاله بعياط : استاذ حسين شريف فين حصله ايه حسين : اهدى يامدام هاله انشاء الله خير هو لسه جوه العمليات هاله قاعدت على اقرب كرسى وفضلت تعيط بانهيار قرب عليها أدم : ماما هو بابا جراله حاجه هاله بصتله واخدته فى حضنها : لا ياحبيبى انشالله هيبقى كويس أسر فضل واقف قدام العمليات وعنيه على الباب ودموعه نازله فى **ت بعد حوالى ساعتين من التوتر خرج الدكتور الى كان مع شريف كلهم جريوا عليه وهاله اول الى اتكلمت : خير يادكتور طمنى بالله عليك الدكتور : الحمد لله الاعضاء الحيويه كلها سليمه المشكله ان العمود الفقرى فيه **ر غير ال**ر الى فى دراعه وفى كدمات كتير فى جسمه هاله جايلها زهول: و**ر العمود الفقرى ده ممكن ياثر عليه الدكتور : والله يامدام مش هنقدر نحكم الا بعد مايفوق بس انشالله خيرعن اذنكم خرج شريف من العمليات ودخلوه اوضه عاديه فضلوا كلهم قاعدين حواليه لحد مافاق قربت عليه هاله وعنيها كلها دموع : حمد الله على سلامتك ياحبيبى شريف فتح عنيه وغمض تانى ورجع فتح واتكلم بالعافيه : اايه الى حصل هاله : عملت حادثه بس الحمد لله ياحبيبى جت سليمه شريف غمض عنيه تانى ورجع فتح : أسر وأدم فين أسر قرب عليه هو وادم واتكلم أسر : سلامتك يابا الف سلامه أدم : سلامتك يابابا شريف بص لادم : حقك عليا ياأدم بوظت عيد ميلادك أدم دموعه نزلت : فداك اى حاجه يابابا بس قوم بالسلامه حسين قرب عليه : سلامتك ياشريف الف سلامه كده تخوفنا عليك شريف بدا يجمع الى حصل : والله غصب عنى العربيه ظهرت قدامى فجاه السواق كان جاى مخالف ومعرفتش افديها فدخلت فيا هاله بصت لحسين : هو السواق فين حسين : كان جاى فى الاسعاف مع شريف بس لقوه مفهوش حاجه فالحكومه اخدته هاله بصت لشريف : الحمد لله ربنا يكمل شفاك على خير (بصت لحسين) صحيح كان فى واحد هو الى رد عليا حسين: اه ماهو الى رد عليا وقالى ولما اجيت عطالى حاجت شريف واستاذن ومشى حاولت ارضيه بمبلغ بس رفض هاله : ربنا يجزيه خير بعد حوالى تلات ساعات شريف كان موجوع قوى لما تأثر البنج راح ومكنش قادر يتحرك هاله جريت جابت الدكتور وبعد ماكشف على شريف وعطاله مسكن قوى خرج وهاله وراه :خير يادكتور طمنى الدكتور: للاسف يامدام الاستاذ شريف مش هيقدر يمشى تانى هاله الصدمه لجمتها :يييعنى ايه شريف مش هيقدر يمشى على رجله ابدا الدكتور باسف : انا اسف بس ال**ر كان شديد وسبب شلل دائم هاله لسه على صدمتها : يعنى مافيش اى امل حتى لو هسفره اى بلد تانيه او يعمل عمليه ترجعه يمشى تانى الدكتور : لو كان فى اى امل كنت قولتلك بس حالته صعبه وعموما الطب كل يوم بيتقدم ويمكن يلاقوا علاج لحالته قريب انشاالله هاله : شكرا يادكتور عن اذنك دخلت هاله وعنيها على شريف الى نام من المسكن وقالت لنفسها : ياحبيبى ياشريف ياترى هتعمل ايه لما تعرف ربنا يستر يارب اشفيه وعافيه يارب بعد كام يوم كان شريف عرف بمرضه والصدمه كانت شديده عليه لدرجه انه كان رافض يكلم اى حد وبعد ماخلص علاجه الدكتور كتبله خروج ونصح هاله انها تعرضه على دكتور نفسى بس شريف رفض هاله دخلت عليه فى مره : حبيبى هتفضل قاعد لوحدك طول الوقت كده شريف بنرفزه : ايه زهقتى منى خلاص هاله قربت منه وقاعدت جنبه واتكلمت معاه بالراحه : شريف مش معنى ان ربنا سبحانه وتعالى اخد منك نعمه يبقى تنسى انه عطاك نعم كتير غيرها عطالك فلوس وبيت وزوجه بتحبك وعيال ماشاء الله عليهم رجاله من صغرهم فكر كده لو الى حصلك ده حصل لواحد معدوش ولا حاجه من الى عندك وكل اعتماده على نفسه وشغله كان هيعمل ايه شريف رد عليها بان**ار : معاكى حق بس انا مش قادر اتحمل مش قادر هاله اخدته فى حضنها وهو حضنها بكل الوجع الى فيه: ياحبيبى انا كل لحظه بحمد ربنا انك رجعتلنا تانى انا وعيالك من غيرك ولا حاجه وكفايه انك معانا وجبنا ده كفايه قوى علشان نبقى مطمنين شريف بعد عنها شويه: بجد ياهاله يعنى مش هتزقهى منى فى يوم وتبعدى عنى هاله بصتله قوى ودموعها نزلت : كده ياشريف انت بتشك فى حبى ليك!! يعنى لو كنت انا مكانك كنت سبتنى شريف مسك وشها بين ايده: لا ياحبيبتى مش قصدى انا عمرى مااقدر ابعد عنك ابدا انا من غيرك ميت انسان من غير روح متزعليش منى انا مش عارف بقول ايه هاله قربت بسته من خده : انا مش زعلانه بس علشان خاطرى متبعتدش عننا وارجع زى الاول وسبها على ربنا ياعالم بكره فى ايه شريف ابتسم : انا عمرى وهبعد عنكم ابدا بس انا شايل هم الشركه هنزلها ازاى وانا كده هاله: ياسيدى متشلش هم انا موجوده هروح معاك الشركه وهبقى ايدك اليمين وكمان معاك حسين شريف : ربنا يخليكى ليا هاله : ويخليك لينا يارب فاق شريف من زكرياته وهو ماسك فى ايده صورة هاله : قدرتى تبعدى عنى ياهاله قلبك طاوعك تسبينى ياترى انتى فين وبتعملى ايه وحشتينى قوى رغم كل الى عملتيه فيا بس مش عارف انساكى ولا عارف ابطل احبك ... ********************* فى بيت ملاك كانت هاله جارتهم عند على بتطمن عليه وتشوف لو كان عايز حاجه : سلام عليكم عامل ايه ياابو ملاك النهارده على ابتسم : الحمد لله تعبتى نفسك ليه ملاك كل شويه بتتصل تسال عليا هاله : ولا تعب ولا حاجه الجيران لبعضها ياابو ملاك وبعدين ملاك سيبالى المفتاح علشان تبقى مطمنه عليك قولى بقى مش محتاج حاجه على : ربنا يخليكى متحرمش منك هاله : طيب لو احتجت حاجه رن عليا وانا اجيلك على طول على : تسلمى يارب خرجت هاله وعنين على عليها وبيقول لنفسه : ياريت كان ينفع مكنتش اترددت لحظه !!!! ******************

Free reading for new users

Scan code to download app

App Store Google Play

Facebookexpand_more