الاحدى عشر ?

1641 Words

عند ملاك فضلت واقفه قدام العنايه والقلق هيموتها على ابوها ومن اسر الى مش عارفه عرفها ولا لا شويه لقت على بدا يفوق وبصلها من ورى الازاز وابتسم ملاك فرحت وجرت نادت على الدكتور الى سمحلها تدخل تطمن عليه دخلت والدموع ماليه عنيها : حمد الله على السلامه ياحبيبى على اتكلم بالعافيه : الله يسلمك ماتعيطيش انا كويس ملاك مسحت دموعها : انا مش بعيط انا فرحانه قوى ربنا يكمل شفاك على خير على ابتسم : ربنا يخليكى ليا ملاك باست ايده: ويخليك ليا يارب الدكتور دخل قالها كفايه كده وانه لازم يرتاح طلعت ملاك لاسيل : اطمنتى عليه اهدى بقى ياملاك ملاك : الحمد لله بس انا خايفه اسر يكون كشفنى واروح فى داهيه أسيل : انشاء الله خير بصى انتى تكملى باقى الشهر ده وتقدمى استقاله ملاك : ازاى بس يبقى لسه عطينى خمسين الف وانا اسيب الشغل مطربق عليه اسيل بغيظ: لا استنى لما يحبسك ملاك : ربنا يسطر اما اشوف هترسى على ايه المهم روحى بقى انا هبات هنا أسيل : لا انا هبات معاكى ملاك : يابنتى روحى علشان تروحى الشغل الصبح أسيل : وانتى مش هتروحى ملاك : والله مانا عارفه اسيبه ازاى (وبعد تفكير )بصى انا هبات للصبح وهكلم طنط هاله تيجى تجبلى الهدوم واروح من هنا وانا ونصيبى بقا ★***********************★ فى فيلا الراوى وصل اسر وادم ومعاهم شريف دخلوه اوضه يرتاح وطلب منهم يسبوه لوحد خرج اسر وادم ووقفوا قدام اوضه شريف اسر : بابا ماله ياادم كان كويس وانا مكلمه من ٣ساعات كان بيضحك معايا ايه الى حصل أدم: والله ماحصل حاجه انا كنت قاعد معاه وبحكيله عن السكرتيره الجديده وضحك لما عرف ان انت رضيت انى اجيب سكرتيره وفضلنا نتكلم فى الشغل وبعدين سيبته وطلعت اريح اسر : انا هتجنن مش عارف ماله (سكت شويه وبعدين بص لادم ) يكون عرف حاجه عن سكت اسر مرداش يكمل وادم كمل : قصدك يكون عرف حاجه عن ماما !!! لالا هيعرف منين احنا بقلنا اكتر من ١٦سنه منعرفش عنها حاجه أسر اتن*د بوجع : مش عارف عموما سيبه النهارده والصبح ربنا يسهل ادم : طيب تصبح على خير اسر : وانت من اهله ******************** تانى يوم فى مستشفى الأمراض النفسية دخل أحمد على رقيه الى لسه الى حصلها ماثر عليها ومش عايزه تتكلم دخل قعد جنبها وابتسم : صباح الخير ياقمرى رقيه بصتله ومردتش عليه احمد لسه على ابتسمته رغم الوجع الى حاسس بيه فى قلبه : رقيه انا عارف ان الى مريتى بيه كان صعب بس لازم تعديه علشان تخرجى من هنا وتعيشى حياتك رقيه اتكلمت بعد شويه كتير : سهام عملت فيا كده ليه احمد اتن*د : علشان عرفت انى بحبك رقيه بصت للارض: ليه !! احمد : ليه ايه ؟ رقيه : ليه تعمل فيا كده وايه دخلها فى انك تحب او لا احمد : احمم لان بقلها سنين بتحاول تقرب منى بس انا مكنتش شايفها ولا حاسسها رقيه بصتله قوى: يعنى هى بتحبك علشان كده كانت عايزه تخلص منى احمد : رقيه انا اخدت حقك وودتها فى ستين داهيه علشان ماتحاولش تأذى حد تانى وبعدين الى زى دى ماتعرفش تحب دى تعرف تأذى بس ياحبيبتى رقيه بصتله قوى : حبيبتك !!! احمد ابتسم : اه حبيبتى وقلبى وانشاء الله مراتى رقيه : انا خايفه ياأحمد تخسر مستقبلك بسببى احمد : ياحبيبتى المستقبل فى ايد ربنا ومحدش بياخد اكتر من نصيبه خليكى انتى بس معايا وكل حاجه هتبقى احسن رقيه : تفتكر كل حاجه هتبقى احسن احمد : انا متاكد انشاء الله ******************* عند ملاك وصلت هاله بعد ماكلمتها وجابتلها كل حاجتها ملاك : ربنا يخليكى ليا معلش تعباكى معايا هاله : تعب ايه بس وبعدين انا اصلا كنت جايه اطمن على باباكى يالا روحى البسى وروحى شغلك ومتخافيش انا هفضل هنا لحد ماتيجى ملاك ؛ لا تعب عليكى روحى انتى وانا هحاول امشى بدرى عن معادى هاله : يابت متوجعيش قلبى روحى بقى يالا ملاك باستها من خدها : ربنا مايحرمنى منك ابدا لبيست ملاك وراحت شغلها دخلت الشركه كان اسر لسه مجاش راحت تطمن على اسيل وهى واقفه معاها دخل ادم عليهم وبص لاسيل قوى ودخل مكتبه من غير ولا كلمه ملاك: شوفى شغلك وانا هرجع مكانى دخلت أسيل لادم بالقهوه : صباح الخير يافندم أدم بصلها بغيظ: صباح النور أسيل حطط القهوه ولسه هتخرج قالها : على فكره ياانسه أسيل مينفعش كل شويه تقفى تتكلمى مع ملاك وخلى الزماله بره الشركه أسيل باحراج : بس ملاك زى اختى ومترببن مع بعض أدم استغرب : نعم اختك!!! أسيل: احمم لا قصدى اخويا ادم بنرفزه : برده مينفعش كل شويه تقفى معاه ياريت ميحصلش تانى أسيل بصت للارض : حاضر عن اذنك رجعت اسيل مكتبها وهى حابسه دموعها رجعت ملاك قعدت على المكتب تشوف شغلها وهى مرعوبه من الى جاى شويه ووصل اسر دخل على ملاك ووقف قدمها شويه مكنتش اخده بالها لان عنيها على اللاب اسر فضل يفكر : معقول يكون الى بفكر فيه ده صح دانا ساعتها اخرب الدنيا فوق دماغه ملاك انتبهت ليه قامت وقفت وهى بتترعش من جواها : صباح الخير يا فندم اسر : صباح النور ياملاك هاتلى قهوتى لو سمحت ملاك بتوتر : حاضر يافندم دخل اسر ومسك.التليفون اتصل برقم شئون العاملين : الو استاذ حسن هاتلى ملف ملاك على وتعالالى المكتب ومتتكلمش معاه وانت داخل حسن : حاضر يافندم طلع حسن ودخل لملاك : استاذ ملاك اسر بيه طلبنى ملاك : اتفضل يااستاذ حسن دخل حسن لاسر وسلمه ملف ملاك : اتفضل الملف اهو اخد اسر الملف وفضل يقرا فيه وبص لحسن : اتفضل انت يااستاذ حسن وياريت وانت طالع متتكلمش معاه حسن استغرب : حاضر يافندم بس هو فى مشكله اسر : لا ابدا اتفضل انت خرج حسن وفضل اسر باصص للورق الى فى ملف ملاك شويه ودخلت ملاك بالقهوه : اتفضل القهوه اسر قام من مكانه ولف وقف قصادها وفضل باصص لوشها قوى : قولى ياملاك والدك عمل العمليه ولا لسه ملاك اتوترت وخصوصا من نظراته :ها لا اه قصدى الحمد لله عملها اسر لسه عمال يبحلق فى وشها : عملتها فى مستشفى كويسه يعنى ملاك : اه الحمد لله اسر : اسمها ايه ملاك خوفها بيزيد : هى مين اسر : المستشفى !! ملاك : اااه المستشفى عايز تعرف اسم المستشفى اسر رفع حوجبه : ايه مش عارفها ملاك بلعت ريقها : الرحمه اسمها الرحمه حضرتك اسر : تمام اتفضل انت وااه حمد الله على سلامت والدك ملاك بتوتر: الله يسلمك عن اذنك خرجت ملاك وركبها بتخبط اسر اول ماخرجت مسك التليفون واتصل بواحد صاحبه رائد : الو ايوا يارائف عامل ايه رائف : أسر باشا فينك ياعم اسر : موجود اهو انت الى مش بتسال رائف : ايوا انت هتقولى وانت بقى الى هرينى اتصالات اسر : خلاص بقى ياعم عديها المهم رائف : اااه بدال فيها المهم يبقى عايز مصلحه منى أسر ضحك : عليك نور مانت ذكى اهو رائف : انا رائد يابنى يعنى افهمها وهى طايره وانتف ريشها كمان اسر : يااجامد رائف : ها عايز ايه اسر : محتاج معلومات عن واحد شغال عندي عايز اعرف عنه كل حاجه من يوم ما اتولد لحد ما تخرج من الكليه ويا ريت في اسرع وقت ممكن رائف: و ده مين بقى شكله عامل حاجه كبيره وعشان كده حاطه في دماغك أسر: مش حكاية حاطه في دماغي الموضوع اكبر من كده بكتير ولو طلع اللي في دماغي صح هيبقى فعلا وقعته سوداء رائف: ماشي يا سيدي قولى اسمه كده بالكامل وانا اجيبلك كل بياناته من يوم ما اتولد اسر : اسمه ملاك علي عبد الحافظ خريج تجاره انجلش جامعه القاهره رائف: تمام اديني لحد بكره بالليل ويكون عندك كل المعلومات اسر : كتير يارائف اخرك معايا لحد بالليل ويكون عندى كل المعلومات عنه رائف: انت كمان هاتتامر عليا مش كفايه ان انت متصل مخصوص علشان خاطر عايز مني مصلحه يعني مش حبا فيا ولا بتسال عليا وعلى صحتى اسر : يا سيدي لك عليا اول ما تجيب لي المعلومات هعزمك عزومه حلوه بس انت خلص على باليل رائف : تمام يا اسر باشا بالليل ان شاء الله هاتصل بك يلا سلام عشان عندي شغل اسر :سلام قفل معاه اسر وهو عمال يفكر لو طلع اللي في دماغه ده مظبوط هيعمل ايه ******************** فى شركه كيمكو فى قطر كان يوسف قاعد مع مدير اعماله : ابن الراوى فاكر نفسه ذكى باعت عايز طلبية حاجات يقدر يجبها من اى شركه صغيره عنده فى مصر الياس : قصدك ايه يكون عرف حاجه يوسف ؛ معتقدش ممكن يكون شاكك الياس : وهتعمل ايه يوسف ضحك: هلعب معاه على المكشوف بس شويه وهخليه يحصل باقى الشركات الى اتعملنا معاها الياس : واحنا هنستفاد ايه لو اتقبض عليه والشركه اتقفلت مين هدخلنا الشغل بتعنا يوسف : احنا بقلنا سنين شغالين من تحت الطربيزه ولما الشركه بتقع بنبقى احنا بره اللعبه!! بس اسر شكله مش سهل واخره معانا هيبقى عمليه واحده وبعدها نشوف غيره الياس : خلاص الى انت شايفه انا رايح اكمل شغل يوسف: ماتنساش ترد عليهم بالموافقه على الطلبيه الياس ضحك: شيطان انت ياجو ****************** فى المستشفى كانت هاله قاعده مع على لما الدكتور سمحلها تتدخل تتطمن عليه على : متشكر قوي على تعبك معيا يا مدام هاله مش عارف اشكرك ازاي احنا بنتعبك معنا ديما هاله : ما تقولش كده يا ابو ملاك احنا جيران والجيران لبعضها وبعدين ملاك دى زي بنتي و لازم ابقى معها وواقفه جنبها على ابتسم: انتى قلبك طيب قوي يا مدام هاله انا مش عارف ازاى واحده زيك جوزها يستغنى عنها بسهوله كده انتى المفروض تتشالى على الراس هاله الحزن بان عليها وسكتت على : انا اسف لو كلامي ضايقك ما تزعليش مني انا ما كنتش اقصد انا مش عارف ايه اللي خلانى قلت كده انا اسف هاله : متتاسفش يا ابو ملاك انا كل اللي ضايقني بس انى سكتت هاله ومعرفتش تقوله ايه على : مالك يامدام هاله هو كلامي ضايقك للدرجه دي هاله: لا ابدا المهم انت مش محتاج حاجه اعملها لك مش محتاج حاجه اجيبها لك على عرف انها عايزه تغير الموضوع فمكملش وسكت وقال لها :لا متشكر مش عايزه اتعبك معيا اكثر من كده هاله:تعبك راحه انا هخرج استنى ملاك بره علشان الدكتور قال لي هما خمس دقائق سلامتك الف سلامه عن اذنك خرجت هاله وقعدت قدام باب العنايه مستنيه ملاك وهي بتفكر في كلام على وحست انه عنده نفس احساسها وقررت انها تقول له الحقيقه اول ما يطلع من المستشفى *********************

Free reading for new users

Scan code to download app

App Store Google Play

Facebookexpand_more