البارت الثامن ?

1717 Words

فى مستشفى الأمراض النفسية دخلت عفاف على رقيه : القمر عامل ايه النهارده رقيه بصتلها وعنيها كلها حزن : الحمد لله قربت عفاف وقاعدت جنبها : مالك ياحبيبتى مش كنا اتكلمنا وبطلنا نحزن كده رقيه : اعمل ايه اذا كانت الدنيا م**مه توجع قلبى دايما عفاف فاهمه قصدها بس مبينش انها عارفه حاجه : ليه بس احكيلى يابنتى فى ايه رقيه عنيها دمعت: تخيلى عشت عمرى كله بحلم باليوم الى الاقى فيه الإنسان الى يحبنى ولما القيه مقدرش اقرب منه عفاف : وليه متقربيش بدال انتى عارفه انه بيحبك بجد رقيه دموعها نزلت : علشان مش عايزاه يتوجع كل لما يفتكر ان الى حبها اغتصبوها تلاته وقتلوا فرحتها مش عايزه احس ان السبب فى وجعه وقهرته عفاف : ومين قالك ان الموضوع ده وجعه مافيش حاجه وجعاه الا رفضك ليه رقيه بصتلها قوى : هو حكالك ؟ عفاف : احمد بيعتبرنى زى امه وامبارح كانت حالته وحشه قوى لما حس انك رفضاه رقيه بوجع: انا رفضاه علشانه مش عشانى اذا كان اهلى رمونى هنا ومحدش فيهم سال فيا احمله هو عارى ليه عفاف بعصبيه : تانى هتقولى عارك والكلام الفارغ ده انت مغلطتيش فى حاجه بالع** انتى مجنى عليكى رقيه : بس الناس مش هتشوفنى كده ولا هيسبوه فى حاله عفاف : وافرضى ان ده هيحصل وان الناس هتتكلم!!! مايتكلموا ولا يتفلقوا المهم ان احمد بيحبك بس المهم دلوقت ياترى انتى بتحبيه ولا لا رقيه بصت للارض وسكتت عفاف بصتلها وابتسمت : بتحبيه صح ؟ رقيه هزت راسها باه عفاف كملت : يبقى تنسى اى حاجه حصلت وتريحى قلبه وتسيبك من الناس وكل الكلام الفرغ ده احمد راجل وهيعرف يرد على اى كلب ممكن يكلم اتفاقنا رقيه ابتسمت : اتفاقنا عفاف ضحكت : ايوا كده اضحكى خلى الدنيا تنور اسيبك انا بقى اشوف الحالات بتاعتى وارجعلك شويه كده رقيه مسكت ايديها وقفتها وقامت مره واحده حضنها : انتى اطيب واحن انسانه شوفتها فى حياتى انتى عملتى معايا الى اهلى معملهوش ربنا يخليكى ليا عفاف عنيها دمعت : ربنا يسعدك ويعوضك خير ياحبيبتى خرجت عفاف وراحت لاحمد الى قاعد فى اوضة الدكاتره وبوزه شبرين : ياساتر ايه البوز ده كله أحمد : هضحك على ايه يعنى عفاف : تضحك علشان جيبالك خبر حلو احمد قام وقف بسرعه : بجد كلمتيها قالتلك ايه وقولتلها ايه عفاف ضحكت :بالرحه طيب دانت واقع خالص المهم كلمتها واقنعتها توافق تتجوزك احمد فرح جدا : بجد يعنى وفقت خلاص طيب قالتلك بتحبنى ولا لا عفاف : هى قالت ومقلتش احمد : يعنى ايه عفاف : يعنى سالتها هزت راسها باه احمد ابتسم تانى : طيب انا هروحلها عفاف بسرعه : استنى عندك اهدى شويه علشان محدش يلاحظ وخد بالك لو حد عرف من المسؤلين فى المستشفى هتدخل فى وجع قلب وهيقوله انك على علاقه بيها اصبر لحد لما رقيه تخرج من هنا وساعتها ربنا يسهل احمد باحباط: لسه هستنى لما تخرج عفاف: يابنى ماهى خلاص بقت كويسه وكلها ايام وتخرج احمد : امرى لله هستنى بس اقولك على حاجه انتى مكنش ينفع ابويا الله يرحمه يعينك ممرضه هنا انتى كان المفروض تبقى دكتور كبيره عفاف : الله يرحمه لولاه ماكنتش عرفت هعمل ايه فى حياتى يالا هروح اشوف شغلى وانت كمان شوف المرضى بتوعك سلام احمد : سلام ياقمر **************** فى شركه الرواى دخل أدم على ملاك متعصب جدا : ملاك أسر جوه ملاك بصتله مستغربه اول مره تشوفه كده :اه اتفضل دخل أدم على أسر : بقولك ايه مش علشان انت بتكره الستات يجيلى انا شلل من الاغ*يه الى مشغلهم عندى أسر بصله قوى : فى ايه داخل بزعبيبك ليه على الصبح أدم : الاستاذ السكرتير الى على مكتبى مبيفهمش وكل شويه عملى مصيبه وانا اصلح بس انا خلاص تعبت أسر ببرود : ومقولتش ليه وانا اشوفلك غيره أدم بنرفزه : ولا غيره ولا زفت انا هجيب سكرتيره تكون بتفهم أسر ولسه على بروده : وانا قولت مافيش ستات هتدخل الشركه أدم عصبيه ذادت من برود اسر : الشركه دى انا ليا فيها زيك يأسر ومش علشان انا مبحبش ازعلك تيجى عليا كل شويه وعموما انا سيبهالك وماشى أسر جرى لحقه قبل مايطلع ومسكه من دراعه واتكلم بالراحه علشان حس انه اجى على أدم قوى : من امتى فى بينا ملكى وملكك احنا اخوات وملناش الا بعض ياأدم واذا كان على السكرتير انقله فى اى حته وهات الى انتى عايزه تمام كده أدم بصله بزعل : خلاص انا مش عايز حاجه أسر ضحك : هو انت هتفضل طول عمرك قماص ماخلاص بقى وروح ياسيدى شوفلك سكرتيره عايز حاجه تانيه أدم بصله بنص عين : متقولش قماص دى تانى أسر ضحك : ماشى مش هقول المهم روح بقى خلى ملاك ينزلك اعلان يطلب سكرتيره أدم بصله قوى : يعنى مش هتزعل لو جبت سكرتيره أسر : لا ياسيدى مش هزعل اهم حاجه انها هتبقى بعيد عنى والأهم انك متكونش زعلان راح أدم حضنه : انا عمرى مازعل منك دانت اخويا والى ليا أسر : حبيبى يادومه روح بقى يالا لحسن ارجع فى كلامى أدم ابتسم: ماشى سلام خرج أدم وراح أسر قعد على المكتب مهموم وقال لنفسه : الظاهر ان بضيع حياتك انت كمان معايا ياأدم بس كفايه كده عليك !!!! راح أدم لملاك : ملاك عايزك تنزلى اعلان تطلب فيه سكرتيره وياريت تكون بنفس كفأتك ملاك تنحت : حضرتك قولت سكرتيره مش سكرتير صح أدم ضحك : اه اخدت افراج من المدير العام ان اجيب سكرتيره واترحم من الاستاذ مؤنس الى كان هيشلنى ملاك لنفسها : طيب مش كان ف*جها بدرى شويه بدال الحوسه الا انا فيها دى يالا ارزاق.. بس عندى فكره كويسه أدم شاور قدام وشه : ملااااك هاااى روحت فين ياعم ملاك : ها ابدا انا مع حضرتك اهو أدم : طيب اكتب الاعلان بقى وريهولى قبل ماتنزله ملاك: طيب بدال الاعلان ووجع الدماغ انا عندى واحده بنفس مؤهلاتى . وكل الموصفات الى حضرتك محتاجها أدم بصله قوى : مين دى !!!! ملاك : واحده صحبتى أدم : نعم صحبتك !! ملاك افتكرت وضعها: لا انا قصدى كانت زميله ليا فى الكليه يعنى وباباها صاحب والدى أدم : طيب قولها تجيب السى فى بتاعها وتيجى فى الانترڤيو بعد بكره ملاك فرحت : تمام يافندم هقولها متشكر قوى أدم شك ان دى حبيبت ملاك: على ايه بس ياريت تكون فعلا بكفاتك ملاك: والله ياستاذ أدم ده شرف ليا ان حضرتك شايفى كفأ أدم : انا مش بجاملك ياملاك انت فعلا مشاء الله عليك فى اقل من شهر فهمت الشغل احسن من الى شغالين بقالهم سنين ملاك بسعاده : متشكر قوى لحضرتك أدم : طيب اسيبك تشوف شغلك ومتنساش تقول لزميلتك بقى اه (وغمزله وهو ماشى ) ملاك استغربت هو غمزلها ليه : ماله ده بيغمزلى كده ليه يادى النيله ليكون شك فيا وعرف انى بنت اعمل ايه !!بس هو لوكان شاكك فيا كان هيستنى عليا ليه يالا زى ماتيجى تيجى بقى مسكت موبيلها واتصلت على اسيل : الو ايوا ياسولا اسيل: قلبى عامله ايه ملاك: الحمد لله بقولك ايه انا بروح البيت الساعه ٤ادخل البيت الاقيكى هناك سامعه أسيل استغربت : ليه هو انا لدرجادى وحشتك ملاك : لا ياخفه بس عملالك مفاجاه حلوه أسيل : ايه جيبالى عريس ملاك بق*ف : اقفلى يخربيت كده غورى قفلت ملاك فى وشها السكه شويه وطلبها أسر ودخلت : نعم ياستاذ أسر أسر : عايزك تحجزلى على اول طياره طالعه دبى بكره الصبح ملاك : حاضر يافندم اى اوامر تانيه أسر : اه انت ماخدش المكافأة الى قولتلك عليها ليه ملاك استغربت : لا اخدتها حضرتك أسر : ازاى انا سالت الحسابات قالولى انك اخدت عشرين الف بس ملاك استغربت اكتر : طيب ما هى دى المكافأة الى حضرتك قولتلى عليها أسر : لا المكافأة الى قولت عليها خمسين الف مش عشرين ملاك برقت : خمسين الف ليه حضرتك دانا مستكتر العشرين تقولى خمسين أسر بصله قوى : على فكره مابحبش اقول الكلمه مرتين اتفضل انزل على الحسابات وخد باقى المبلغ يالا ملاك : بس انا قاطعه أسر : قولت يالا على الحسابات ملاك فهمت انه عايز يساعدها فى عمليه ابوها بس بطريقه غير مباشره علا فى نظرها قوى وشافت قد ايه هو طيب بس مخبى الطيبه ورى البرود فضلت واقفه تبصله وفجاه اكتشف قد ان هو وسيم هى مكانتش بتحاول تبصله كتير علشان بتخاف يبان عليها انها مش راجل اسر انتبه ان ملاك لسه واقف ولقاه واقف بيبصله قوى : فى حاجه ياملاك لسه واقف ليه ملاك فاقت : هاا لا ابدا انا ماشى اهو ومتشكر قوى يافندم على مساعدتك ليا خرجت ملاك وأسر فضل باصص على الباب وبيقول لنفسه : وكمان لماح لا كده اقدر اعتمد عليك فعلا خلصت ملاك شغلها وروحت ويادوب هتدخل لقت أسيل وراها بصتلها قوى : انتى لسه جايه دلوقت ياهانم ملاك : يابت مانتى كمان لسه جايه يعنى انا متاخرتش عليكى ادخلى بقى يالا دخلت ملاك ووراها أسيل راحوا الاتنين لعلى يطمنوا عليه أسيل : عمو على عامل ايه وحشتنى على : مانا لو وحشتك كنتى جيتى تسالى ملاك : دى واطيه اصلا بس غاويه تمثيل أسيل بغيظ : ياسلام انا واطيه طب والله ببقى عايزه اجيله بس خلتك فتكات مش بترضى تنزلنى اعملها ايه على ضحك بالعافيه : يابت فى حد يقول لامه فتكات ملاك : هى مره لواحظ ومره فتكات انا هقولها على فكره وابقى اخلصى منها بقى أسيل اتمسكنت: اخس عليكى يالوكا عايزه تسلمينى للى مبترحمش دانا سولا حبيبتك على ضحك بتعب :اهى جابت ورى ملاك بغلاسه: ايوا كده اتعدلى (وبصت لعلى) بابا انا كلمت الدكتور وانشاء الله هتعمل العمليه بعد يومين على استغرب: وانتى جبتى فلوس منين يابنتى مش احنا قولنا هنستنى شويه لحد الفلوس ماتكمل ايه الى جد ملاك قربت منه وباست ايده : الحمد لله ف*جت انا اخدت مكافأة كبيره قوى كملت فلوس العمليه وزياده على : مش انتى كنتى احق بالفلوس دى ياملاك محدش بيموت ناقص عمر ملاك بزعل: كده ياعلوه فلوس ايه الى بتتكلم عنها دى الدنيا كلها فداك بس انت شد حيلك وقوم بالسلامه انا ماليش غيرك فى الدنيا كلها على عنيه دمعت : ربنا مايحرمنى منك ابدا ملاك : ولا منك ياقلبى أسيل واقفه تعيط على الموقف: الله بقى هو انتوا قلبتوها عياط ليه ملاك بصتلها: ايه ده انتى عندك احساس زينا أسيل اتنرفزت : شايف ياعمو على على : هو انتوا ان مكنتوش تشبطوا فى بعض كل شويه ماترتحوش أسيل وملاك مع بعض : اه على ضحك : طيب روحوا اشبطوا فى بعض بره علشان عايز انام شويه ملاك : ليه يابابا مش هتتغدا معانا متخفش انا مش هطبخ انا جايبه اكل معايا على : لا ياحبيبتي هاله الله يكرمها جابتلى غداء وفضل معايا لحد ماعطتلى الدوا ملاك بخبس: والله يابابا طنط هاله دى مافيش منها فى الدنيا لو كنت راجل كنت اتجوزتها على طول على بصلها قوى : ربنا يكرمها ويعوضها خير !!يالا روحوا بقى وسيبونى انام ملاك : ماشى ياحبيبى لو مانمتش نادى عليا خرجت ملاك واسيل ورها دخلوا اوضه ملاك قاعدوا فيها

Free reading for new users

Scan code to download app

App Store Google Play

Facebookexpand_more