البارت الاول (للرجال فقط لمها العيسوى ♥️

3224 Words

طلعت شمس كل يوم ودخلت اشعتها على بنوته جميله نايمه فى سابع نومه حست بالنور على عنيها مضيقها شدت المخده وحطتها على وشها شويه منبه موبيها ض*ب قفلته ونامت دخل عليها ابوها وبصوته كله : يابنتى حرام عليكى الامتحان هيروح عليكى ياملااااااك قامت ملاك مفزوعه : ايييه !!!فى ايه العماره بتوقع يالا نجرى وقف ابوها على وضحك عليها جامد : هو انا كل يوم لازم اقومك مصروعه كده علشان تصحى ملاك بعد ماهديت : ليه كده يابابا حرام عليك هتموتنى ناقصه عمر على قرب منها حضنها : بعد الشر عليكى ياقلب ابوكى اعملك ايه بس ياملاك فتحت الشباك مش نافع المنبه ض*ب برده مش نافع (رفع ايده للسما ) الحمد لله يارب ان النهارده اخر امتحان وتتخرجى واخلص بقى ملاك ابتسمت :خلاص بقى ياعلوه ياحلو انت يابو عيون مخضرا كلها النهارده وبس المهم هى الساعه كام على بصلها وفى انتظار صويتها : ٨ونص ملاك برقت وقامت تجرى: يالهووووووى ولسه هتقعد تحكى الامتحان هيفوتنى على بضحك: طيب هاروح اعملك ساندوتش والكابتشينو بتاعك ملاك لبست بسرعه جدا وراحت باست ابوهاوهى بتكمل لبس : مش هلحق يادوب اكمل لبس واجرى خلصت ونزلت جرى وموبيلها عمال يرن ******************* فى مكان تانى قدام كليه تجاره انجلش وقفه اسيل ماسكه موبيلها وبتتصل على صاحبتها الى اتاخرت: الو والله ماعندك دم ملاك : يابنتى انا خلاص دقيقه وهكون قدامك اسيل : يابت حتى اخر امتحان متاخره فيه كمان ايه الغلب ده وصلت ملاك فعلا قدمها لان بيتها مش بعيد عن الكليه وقفت ورى اسيل : ماخلاص يازفته اسيل اتخضت ولفتلها مره واحده : عااا الله يحرقك هتموتينى ملاك ضحكت على منظرها : اقسم بالله شكلك رهيب وانتى بتتخضى مش بزهق ابدا من انى اخضك اسيل بغيظ : صدقى انا غلطانه الى واقفه مستنياكى وسابتها ودخلت جريت وراها ملاك وهى بتضحك : تعالى طيب متزعليش ده النهارده اخر يوم لينا فى الكليه المفروض تبقى فرحانه اسيل بزعل : لا ياختى مش فرحانه بالع** زعلانه ملاك : ليه طيب اسيل: والله انتى برده الايام دى يابنتى مش هتتعوض تانى سيبك من المذاكره والامتحانات بس كنا كل يوم بنشوف بعض بنضحك ونهزر قوليلى بقى بعد كده هنشوف بعض كل قد ايه ملاك بزعل : معاكى حق بس اقولك احنا ندور على شغل مع بعض ونوقع اخين ونتجوزهم وبكده نفضل سوى على طول ضحكت اسيل : اذا كان كده ماشى يالا بقى الامتحان فاضل عليه دقيقتين ملاك : يالا ******************** داخل شركه الراوى للادويه كانوا كل الموظفين فى حاله تأهب لمعاد وصول مدير الشركه ((اسر الراوى )) الكائن الى طوب الارض بيخاف منه مع انه وسيم لدرجه تخلى اى انثى تهيم فيه من اول نظره الا انه بيكره اى كائن حى انثى وصل اسر الشركه واول مادخل الكل وقف باحترام لحد ماوصل قدام ايهاب السكرتير الى وقف باحترام : صباح الخير يا فندم اسر بصله وهز دماغه : هاتلى اوراق الصفقه الجديد وتعالا ورايا علشان امليك الرد على الايميلات الى وصلت للشركه ايهاب من جواه شايط: حاضر يااسر بيه دخل اسر ووقف ايهاب يكلم نفسه : يادى النيله تانى ايميلات ويفضل يزعق فيا اكتب بسرعه يازفت ياإيهاب انت مابتفهمش انت ازاى طلعت من التجاره انجلش وانت حمار فى اللغات هو حد قاله يعينى سكرتير انا كنت جاى اشتغل محاسب يالا ربنا يخلصني منه : انت بتقول ايه لف ايهاب مزعور بس لما شاف مين الى اتكلم هدى شويه واخد نفسه : أستاذ أدم حرام عليك ادم وهو عمال يضحك : اه ياخويا ادم واحمد ربنا ان انا مش حد تانى ايهاب باحراج : اتفضل اسر بيه جوه دخل ادم وهو بيضحك اسر اول لما شافه بصله قوى : بتضحك على ايه ياستاذ ادم : ابدا بس حاسس ان هاجى فى يوم القى كل الموظفين طفشوا اسر بغضب: مايغوروا فى داهيه ويجى غيرهم ادم: اقسم بالله مافاهم ايه الميزه انك مخلى كل الشركه رجاله مالهم البنات مش فاهم اسر بغضب اكتر: ادم ملكش دعوه خليك فى شغلك خبط ايهاب ودخل : الورق الى حضرتك طلبته اسر بشخط : اقعد علشان تكتب الايميلات ايهاب باحراج: حاضر قعد ادم وكاتم ضحكته على منظر ايهاب واسر عمال يزعق فيه لانه بطيئ جدا فى الكتابه على الكيبورد خلص ايهاب بعد صعوبه وقف اسر الى خلاص جاب اخره : اتفضل على مكتبك والله مانا عارف انت اتخرجت ازاى من تجاره انجلش وانت حمار فى اللغات خرج ايهاب وادم ضحك بصوته كله : حرام عليك هطفشه ده كمان اسر بغيظ: اعمل ايه كلهم حمير فى اللغات غير بقى البطئ فى الكتابه تحس ان سلحفا بتكتب ضحك ادم تانى : ياحبيبى مانا جبتلك قبل كده واحده شاطره جدا فى كل حاجه وانت الى رفضت اسر بتافف: هو انت مش بتزهق من الموضوع ده انا مش عارف انت اخويا ازاى بقولك ايه روح على مكتبك يالا ادم : حاضر ياكبير يعنى علشان اكبر منى بسنه تبهدل فيا كده ماشى خرج ادم واسر قعد يفحص ورق الصفقه بس عقله سرح عالعاده فى الماضى ******************** خرجت ملاك من الامتحان هى واسيل وراحوا للكافيتريا ملاك : اخيرا خلصنا ومعتدش فى مذاكره تانى ااااه اسيل بصتلها بق*ف: انتى يابت مافيش اى مشاعر خالص كده مافيش انتماء للكليه الى احتوتك كل السنين دى ملاك رفعت حواجبها باذبهلال : انتماء واحتواء !!! لا انا كده قلقت عليكى انتى يابت بتطلعى مظاهرات من ورايا اسيل : هقولك ايه ماانتى جاهله ملاك : لا والله على اساس ان انتى جايه من كليه احمد عرابى مش مرزوعه معايا فى نفس الكليه اسيل : المهم هنعمل ايه ؟؟ ملاك : فى ايه اسيل بغيظ: بابت مش انتى قولتى هنشتغل ملاك : يالهووووووى هى النتيجه لسه طلعت ياأخرت صبرى اسيل : يعنى هنفضل فى البيت لحد ماالنتيجه تظهر ملاك بغلاسه: اه اسيل : اووف يعنى هفضل كل يوم قدام لواحظ من الصبح لبليل كده كتير عليا ضحكت ملاك : يابت حد يقول على امه لواحظ طب دى طنط دولت عسل والله اسيل: اه ياختى عسل معاكى لكن معايا عايزه كل يوم اشيل البيت اقلبه وارجع ارتبه تانى افتره ملاك سرحت وبان عليها الحزن : انتى فى نعمه مش حاسه بيها ياريتنى كنت مكانك اسيل بزعل على صاحبتها : انتى قالبتى ليه كده ملاك حابسه دموعها بالعافيه : امى وحشتنى قوى كان نفسى تفضل معايا على طول انا لسه فاكرها لما كنت فى اعدادى وارجع من المدرسه علشان أساعدها فى البيت كانت تقولى لا ياحبيبتى ارتاحى انتى بكره تكبرى وتعمليلى كل حاجه اسيل بحزن : الله يرحمها ملاك : اللهم امين المهم هتصل بيكى بكره ونتفق هنشوف بعض امتى ماشى اسيل بابتسامه: ماشى ياقمر يالا نقوم نروح ملاك: يالا **************** عند اسر كان لسه قاعد مركز فى الصفقه الجديد وعدى وقت كبير جدا وهو زى ماهو قدامه ورق كتير مركز فيه جدا على الباب بره واقف ايهاب الى قاعد بقاله ساعتين عايز يروح وخايف يدخله يزعق فيه شجع نفسه خبط ودخل وبيقول لنفسه ربنا يستر اسر بصله بزغره : خير مش قولت مش عايز حد يدخل الا لما اخلص ايهاب : احممم اصل حضرتك يعنى انا قولت اشوفك محتاج حاجه اسر بزعيق: لا مش عايز ايهاب : طيب حاضرتك الساعه سبعه اجبلك حاجه تتغدا بيها اسر ابتسم بصفار: اااه قول كده الباشا عايز يروح ومش لقى دخله ايهاب بسرعه : لا يافندم وال قاطعه اسر: متحلفش انت عارف انى مبحبش الحلفان كذب اتفضل روح انت يالا ايهاب فرح بس مابينش : طيب تأمرنى بحاجه قبل مامشى اسر : لا اتفضل خرج ايهاب وهو بيبرتم : يارب خلصنى منه بقى اسر ساب الورق وريح ضهره وغمض عنيه ورجع بذكرياته ١٥سنه لورى فلاش باك :اسر ااسر انت فين ياحبيبى اسر جرى عليها حضنها: ماما حبيبتى اجيتى امتى من السفر وحشتينى قوى ناهد : لسه جايه ياقلبى وانت كمان وحشتنى قوى ادم فين اسر : لسه مجاش من الدرس ناهد : طيب تعالا يابطل شوف جبتلك ايه معايا من باريس اسر بسعاده : جبتيلى ايه ناهد : بص كل الشنطه دى فيها هدوم وبرفان وساعات علشانك اسر حضنها : ربنا يخليكى ليا انا اهم حاجه عندى ان انتى رجعتى بالسلامه ناهد بزعل : انا عارفه انى بقيت بسافر كتير بس غصب عنى والله ببعد عنكم انت عارف ظروف مرض بابا ومافيش حد يمسك الشركه شد حيلك يابطل علشان تمسكها انت بقى اسر : انشاء الله ياحبيبتى هانت ناهد : طيب انا هطلع لبابا اطمن عليه واما ادم يجى نادينى اسر ابتسم : حاضر ياماما فاق اسر من زكرياته على صوت قفل الباب فتح عنيه لقاه أدم واقف يبصله قوى : اسر مالك انت بتعيط اسر مسح عنيه بسرعه : اعيط ايه ياع**ط دى عينى بتوجعنى بقالى سبع ساعات مبحلق فى الورق مش عايزنى اتعمى ادم عارف انه كذاب بس محبش يتقل عليه: طيب كفايه كده النهارده ويالا نروح اسر قام : يالا ************** روحت ملاك ودخلت تنادى على ابوها : على ياويكا انت فين خرج على من اوضته: عملتى ايه ياحبيبتى راحت ملاك حضنته: الحمد لله حليت كويس على : طيب الحمد لله ربنا ينجحك يارب ملاك : يارب ياحبيبى انا هاروح اعملك اكله انما ايه تاكل صوابعك وتسبها ضحك ابوها : لا والنبى خليكى انتى انا طبخت خلاص مش ناقص تلبك معوى زى كل مره ملاك لوت بوزها : قصدك ايه انا اكلى وحش على: لا ياحبيبتى انا الى معدتى مش متعوده على الاكل الحلو ملاك : والله انت مش عارف قيمت الطبخ بتاعى على : مانا عارف ربنا يكون فى عون الى هيجوزك ملاك : ده ليه الشرف انى بس احط ايدى فى الاكل المهم يالا ناكل انا جعانه قوى (وقربت وشوشته)والحمد لله انك طبخت بينى وبينك ومتقولش قدام ابويا انا اكلى بشع على بصوت واطى : لا ماتخفيش مش هقوله باسته فى خده وراحت على المطبخ على ابتسم ورفع ايده يدعلها : ربنا ينجحك ويفرحنى بيكى يارب عدى شهر على ملاك فى انتظار نتيجتها وكان يومها ملخص بين رغى فى التلفون مع اسيل وقاعده مع ابوها قدام التليفزيون وتكمل يومها نوم لحد ماصحيت من النوم فى يوم على صوت الموبيل ردت بنوم : عايزه ايه على الصبح اسيل بفرحه : نجحنااااااااا قامت ملاك وبرقت : قولى والله والتقدير اسيل : امتياز ياقمر ملاك: ليا ولا ليكى اسيل : والله واطيه لينا احنا الاتنين قومى ياحلوه فوقى وتعاليلى على الكليه ملاك : فريره قفلت معاها ولبست بسرعه وخرجت تنادى على ابوها : ياعلوه ياويكا انا نجحت على خرج بسرعه : بجد الف مب**ك ياحبيبتى جريت حضنته : انا هاروح الكليه ساعه وجايه على بتعب بيداريه: ماشى ياحبيبتى ملاك : سلام ياقمر وصلت الكليه ودخلت اتاكدت من النتيجه وخرجت فرحانه جدا اسيل: هاا صدقتى ياختى ملاك بفرحه : الحمد لله الف مب**ك ياسولا اسيل : الله يبارك فيكى المهم هنحتفل فين ملاك : معلش ياسولا انا هروح لبويا لحسن شكله مش عاجبنى اسيل : ماله فى ايه ملاك : مش عارفه خاسس كده ومش عاجبنى اسيل : متخافيش تلاقيه خد برد ولا حاجه روحى شوفيه ولو فى حاجه كلمينى ملاك : ماشى ياحبيبتى سلام وصلت بيتها فرحانه جدا دخلت تنادى على ابوها زى العاده : بابا يابابا انت فين دخلت المطبخ ملقتوش راحت على اوضته ويادوب دخلت وقفت مكانها والدنيا لفت بيها لما لقت ابوها واقع على الارض ومش بيتحرك ومحستش بنفسها غير وهى بتصرخ عليه : باااابااا بعد ساعه كانت ملاك واقفه قدام اوضه الكشف وبتعيط فى حضن اسيل الى جتلها هو وابوها اول ما ملاك كلمتها تستنجد بيها شويه وخرج الدكتور ملاك جريت عليه : طمنى والنبى بابا عنده ايه الدكتور: اهدى يابنتى الحمد لله الحاله مستقره حاليا بس الدكتور سكت ومعرفش يقولها ايه وهى منهاره كده ملاك خافت من سكوته : قولى ارجوك بابا ماله عنده ايه الدكتور: بصراحه يابنتى هو عنده ٣شراين مسدوده وده سببله مشكله فى القلب وللاسف لازم تتدخل جراحى ملاك بخوف : يعنى ايه محتاج عمليه فى القلب الدكتور : ايوه محتاج عمليه قلب مفتوح ملاك سهمت ودموعها بقت زى الشلال : والمفروض يعملها امتى الدكتور: يعنى بمجرد مالحاله تستقر ويقدر يتحمل العمليه يعنى قدامه حوالى ٦شهور حد اقصى ملاك بصت للارض ودموعها زادت واسيل جنبها بتحاول تهديها بصت الدكتور: طيب العمليه هتتكلف كام الدكتور : حوالى ميت الف جنيه انا عارف ان المبلغ كبير بس العمليه مش سهله وبتحتاج اكتر من دكتور يبقى موجود ملاك : متشكره قوى انشاء الله هعملهاله قريب الدكتور طبطب على كتفها : ربنا معاكى وخير إنشاءالله الدكتور مشى وملاك قعدت على اول كرسى قا**ها وحطت راسها بين ايدها اسيل راحت قعدت جنبها : هتعملى ايه ياملاك ملاك بدموع وقله حيله: مش عارفه المبلغ الى معانا مش هيكفى ابو اسيل : طيب هيبقى ناقص حوالى كام يانغم ملاك بتفكير : هيبقى ناقص خمس وخمسين ألف مبلغ كبير ياعم كمال كمال : طيب يابنتى انا معايا حوالى ١٥الف خديهم وربنا يسهل بالباقى ملاك باحراج: لا ياعمو ربنا يخليك انا هتصرف انشاء الله كمال : يابنتى انتى زى اسيل وابوكى راجل طول عمره خدوم خدى الفلوس وربنا يف*جها انشاء الله اسيل: المهم نقدر نتصرف فى الباقى فى الكام شهر دول ملاك : انا لازم اشتغل فى اقرب وقت اسيل : شغل ايه الى يجيب اربعين الف فى ست شهور ياملاك ده اكبر مرتب ممكن تخديه هيبقى الفين جنيه هيعمل ايه ملاك : انا لازم اعمل اى حاجه انشالله اشتغل شغلتين تلاته بس اجمع المبلغ بسرعه اسيل : ربنا معاكى ياحبيبتى الممرضه خرجت وقالت لملاك : انسه ملاك باباكى فاق وعايزك دخلت ملاك تجرى ووراها اسيل وكمال: بابا عامل ايه ياحبيبى خوف*نى عليك على بتعب: الحمد لله ماتخفيش ياملاك انا كويس ملاك باست ايده : انا عارفه ان انت كويس ربنا يخليك ليا كمال : حمد لله على سلامتك ياعلوه اجمد كده على : الله يسلمك وشكرا على تعبك انت واسيل اسيل : كده ياعمو وانا الى كنت فاكره انك بتعتبرنى زى ملاك انا كده زعلت على ضحك بضعف : لا ياحبيبتى حقك عليا (وبص لملاك الى مش عارفه تسيطر على دموعها) طيب سكتى صحبتك لحسن مش عارف مالها النهارده بتعيط كتير وانا مش متعود عليها كده انتى خايفه اموت واسيبك متخافيش انا قاعد على قلبك لحد لما اجوزك واجوز عيالك كمان ملاك مسحت دموعها : بعد الشر عليك متقولش كده انا عارفه انك هتبقى كويس علشان انا ماليش غيرك فى الدنيا فضلوا معاه لحد ماالدمتور طلب منهم يروحوا علشان يرتاح ورفض ان ملاك تبات معاه كمرافق لان ممنوع فى العنايه مرافق روحت ملاك وهى بتفكر ممكن تشتغل فين وتبدا منين ******************* تانى يوم فى شركه الراوى كان اسر بيراجع ايميلات كان طالب من ايهاب يرد عليها فجاه عنيه برقت وقام من مكانه وبصوته كله نده على ايهاب : ايهااااااااب انت يازفت دخلت ايهاب مزعور من صوته : نعم ااامرنى اسر رفع لف اللاب عليه: ايه ده !!!!! ايهاب قرب وقرا الى مكتوب على الشاشه وعنيه برقت : ااااانا والله ماعارف ده حصل ازاى اسر بغضب اكتر: هو ده مبررك انك مش عارف ده حصل ازاى ايهاب سكت ومش عارف يقول ايه اسر بصله بغيظ: الايميلات دى انا مش قايلك على كل رد فيهم ماااااترد ساااكت ليه ادم اجى عل صوت اسر : فى ايه ياسر ايه الى حصل اسر : الاستاذ بدل الرد على الايميلات الشركه الى رفضت اتعامل معاها بعتلها موافقه والشركه الى قبلتها بعتلها اعتذار ادم بص لايهاب وبرق ومش عارف يقول ايه لاسر : وايه العمل اسر : مش عارف (وبص لايهاب ) الله يخرب بيتك زى ماهتخرب بيتى انت تطلع حالا وتكتبلى استقالتك حاااالا ادم : اهدى يااسر خير انشاء الله اسر : اهدى ايه الشركه الى بعتلها القبول دى مش مرتحلها من ساعت مابعتولى ادم : انت عرفت عنهم حاجه اسر : لا بس مش عارف مش مرتاح للتعامل معاهم وخلاص ادم : طيب نبعتلهم اعتذار وخلاص اسر اقعد وبص لادم : نزلى اعلان اطلب فيه سكرتير يكون متنيل بيفهم ادم بغيظ: تانى راجل اسر بعصبيه : اه ومتوجعش دماغى اعد اكتب المؤهلات الى هقولك عليها عند ايهاب بره اول ماخرج مسك تليفونه واتصل على رقم : الو كله تمام وعملت زى ماطلبتم !!!!!! ************************ وصلت ملاك البيت هى واسيل الى اصرت تبات معاها علشان متسبهاش لوحدها فضلوا طول الليل يفكرو هيعملوا ايه اسيل: تفتكرى ممكن تلاقى شغل فين ملاك : مش عارفه انا بفكر ادور على النت واشوف يمكن القى اعلانات شغل اسيل : طيب انتى شوفى عندك وانا ادور عندى مسكت ملاك تليفونها وشافت اكتر من اعلان بس كلهم وظايف بمرتب قليل جدا وساعات كتيره اسيل دخلت هى كمان على كذا موقع اعلانات شغل وفضلت تدور لحد مالقت اعلان برقت لما شافت المرتب : الحقى ياملاك ملاك اتخضت : فى ايه !!!! اسيل: بصى الاعلان ده بصى المرتب قد ايه ملاك اخدت التليفون وقرات الاعلان : عشر تلاف جنيه معقوله اسيل : شوفتى مطلوب سكرتريه بعشر تلاف ملاك بصت للاعلان تانى : ده طالب سكرتير راجل مش بنت اسيل : ورينى كده (اخدت التليفون بصت فيه وبصتلها باحباط) اه عايزين سكرتير مش سكرتيره دانا فرحت وكل المواصفات والشروط موجوده فيكى ملاك سرحت بتفكير اسيل بصتلها وشاورت قدام وشها : هاااى روحتى فين ملاك : هاا بفكر فى الشغل ده اسيل استغربت: هتفكرى فى ايه الاعلان طالب راجل مش بنت ملاك : وايه يعنى !!! اسيل : بت انتى بتفكرى فى ايه ملاك بحزن: بفكر فى بابا الى محتاج عمليه فى اسرع وقت والشغل ده هو الحل الوحيد واد*كى شوفتى مافيش ولا شغلانه تنفع كلهم اعلى مرتب فيهم ٣تلاف اعمل ايه اسيل مبرقه : انتى ناويه على ايه !! دول طالبين راجل والاعلان بيقول ممنوع تقديم اى بنت ملاك : ومين قال انى هقدم كبنت اسيل باستهزاء: وامال هتعملى ايه هتركبى شنب وتروحى تقوليلهم انا راجل ملاك : ولو انك بتقوليها باستهزاء بس انا هعمل كده فعلا ومش بص هركب شنب ودقن كمان اسيل بزهول : انتى مجنونه طيب واسمك وشهاده ميلاك واوراقك الى مكتوب فيها انثى هتعملى فيها ايه ملاك بتفكير : اذا كان على اسمى ملاك بيمشى بنت وراجل بس المشكله هى الاوراق لازم الاقى حل اسيل لسه مسهمه لملاك : هو انتى بتتكلمى بجد انتى اكيد مخك ض*ب يابنتى انتى ممكن تتحبسى لو اكتشفوا انك مزوره انك راجل ملاك عنيها برقت وقامت حضنت اسيل : برافوا عليكى هو ده الحل ازور الاوراق وبدال مامكتوب فيها انثى اخليها ذكر !!! بس تفتكرى مين الى ممكن يعملى الحكايه دى اسيل : انتى خلاص اخدى القرار وبتفكرى مين يساعدك كمان ملاك بصتلها قوى: عندك حل تانى يجبلى اربعين الف فى اقل من ست شهور اسيل بصت للارض مش عارفه تساعد صاحبتها ازاى : ياريت كان عندى حاجه اساعدك بيها بس انتى عارفه ظروفنا قامت ملاك حضنتها : انا عارفه ياحبيبتى ان لو كان فى ايدك حاجه عمرك ماهتتاخرى عنى بس انا مافيش قدامى غير الى هعمله ده وربنا عالم انى مش هاذى حد اسيل : يعنى انتى م**مه !! ملاك : ده انسب حل وبعدين انا مش هطول فى الشركه دى بمجرد ماجمع فلوس العمليه هقدم استقاله لاى سبب اسيل: طيب مين ممكن يعملك حكايه ذكر دى ملاك بتفكير : لقيته !!! اسيل: مين ياملاك ملاك: علاء !! اسيل : مين علاء ده ملاك: يابت علاء انا مسافر !!! ضحكت اسيل قوى: وده هيساعدك ازاى ما زمانه سافر بمجرد ماتخرجنا ده كان مستنى نخلص بفارغ الصبر علشان يسافر وكان كل ماحد يقوله حاجه يقوله انا اصلا مسافر وسيبهالكم يعنى اكيد بمجرد مالنتيجه ظهرت هو طار ملاك: لا لسه مسافرش اسيل : عرفتى منين !! ملاك: مانتى عارفه انه بيحب سحر وهيموت ويتجوزها قبل ميسافر علشان كده اجل السفر لحد مايتجوزو ويخدها معاه اسيل : واشمعنى هو يعنى الى ممكن يساعدك هو شغال مزور ولا ايه ملاك بزهق: لا ياناصحه بس هو كان قالى فى مره ان فى واحد هيعمله تأشيرت ايطاليا والراجل ده استحاله حد يكتشف ان الحاجه الى بيعملها مزوره اسيل بقلق: مش عارفه انا خايفه عليكى ومش مطمنه ملاك : سيبها على الله ربنا هيقف جنبى علشان عالم ان كل الى هعمله علشان ابويا اسيل: طيب هتكلميه امتى ومعاكى رقمه اصلا ملاك: اه معايا رقمه من ايام ماكانت سحر بتكلمه من عندى الصبح هكلمه واشوف ممكن يساعدنى ولا لا اسيل: وانتى هتقوليله الحقيقه وبتعملى الورق ده ليه ملاك : وهكذب ليه اسيل: طيب افرضى استغلك بعد كده ولا هددك انه يقول لصاحب الشركه ملاك بغيظ: يابت انتى عايزه تخوفينى وخلاص وبعدين علاء طول عمره جدع معانا وطيب جدا بقولك ايه بالله عليكى يااسيل نامى احسن مانتى عامله تحبطينى كده اسيل بوزت: انتى حره انا غلطانه انى خايفه عليكى تصبحى على خير ملاك بق*ف: وانتى من اهله ياختى نامت اسيل وملاك فضلت طول الليل تفكر هتعمل ايه لحد ماسلطان النوم غلبها ....ٕ ******************* ??لو البارت عجبكم عايزه تشجيع علشان اكمل ??

Free reading for new users

Scan code to download app

App Store Google Play

Facebookexpand_more