للرجال فقط

البارت العاشر ?

أحمد بتفكير : هقولك بعدين لازم اتاكد الاول اسمعينى ياحجه عفاف روحى انتى وانا هستنى شويه بس مش عايز حد يعرف انى لسه هنا

عفاف : ماشى بس ليه

احمد : هفهمك بس مش دلوقت يالا وطمنينى عليكى لما توصلى

عفاف : حاضر يابنى. ربنا يهدى الحال

روحت عفاف واحمد فضلت فى اوضه فاضيه جنب رقيه مافيهاش حد فضل مستنى لحد ماسمع صوت حد بره فتح الباب حاجه بسيطه لقاها سهام داخله لرقيه استنى لما دخلت وطلع وقف قدام باب رقيه يسمع بتقول ايه

عند سهام حضرت علاج رقيه وزودت قرص فيل أزرق وسطهم تانى ودخلت لرقيه لقتها نايمه على السرير بس مفتحه عنيها

وبصه للسقف: قومى يارقيه خدى علاجك

رقيه بصتلها بخوف وعنيها مليانه دموع وهزت راسها بلا

سهام اتنرفزت عليها : بقولك ايه انا مش ناقصه وجع دماغ اخلصى وقومى خدى الزفت العلاج بدال مايحصلك زى امبارح

رقيه خافت منها ومدت ايدها اخدت الاقراص ولسه هتخدهم دخل احمد عليهم : استنى يارقيه ماتخديش حاجه

سهام لفت بخوف ومبقتش عارفه تعمل ايه جت تاخد الاقراص من رقيه سابقها احمد واخدهم هو بص فيهم كويس لقى قرص شكله غريب مش مكتوب لرقيه ولما قربه منه ولفه لقى مرسوم عليه فيل احمد برق وبص لسهام : نهارك اسود فيل أزرق

سهام اتوترت : اااانا معرفش ده ايه انااا لما جيت لقيت الاقراص دى موجوده فى درج علاجها انا ماليش دعوه

احمد قرب منها ومسكها من درعها جامد وصوته علا : انت كدابه رقيه كانت كويسه لحد امبارح الصبح واول مانتى استلمتى هى تعبت انتى الى زوتى القرص ده مع علاجها!!! عملتى كده ليه !!!ليه كده كنتى عايزه تموتيها انطقى لاقسم بالله هموتك سامعه هموتك

سهام زقت ايده واتكلمت بصوت عالى : اااه كنت عايزه اموتها علشان اخدتك منى اشمعنى هى تحبها وانا الى بقالى سنين بحاول اقرب منك وانت ولا معبرنى فيها ايه احسن منى دى حتى شمال و

مكملتش كلامها ولقت قلم نازل على وشها : اخرسى دى اشرف منك ميت مره انا عمرى مااحب واحده قلبها اسود وحقوده زيك كنتى هتموتها ليه ماكنتى موتينى انا هى ذنبها ايه

سهام عياطها زاد وبصويت : ذنبها انك حبتها !! ذنبها انك ماشف*نيش وشوفتها هى كان يوم اسود يوم ماجبوها هنا كان يوم اسووود

أحمد : انتى الكلام معاكى زى قلته قدامى على المدير

سهام بخوف:مش راحه فى اى حته ولو اذتنى هقول انى ظبتك معاها فى وضع وحش وانك عايز تلزقلى اى تهمه علشان مافضحكوش

احمد ضحك بصوته كله وطلع موبيله من جيبه : انتى ع**طه ولا فكرانى مش عارف ان دماغك دماغ شياطين انا سجلت كل كلمه انتى قولتيها تحبى اسمعك صوتك القزر !!قدامى يابت

سهام سكتت شويه وبعدها بصتله بغل : اقسم بالله ماهسيبك تتهنى بيها

ومشيت معاه للمدير الى حولها للتحقيق ووقفها عن العمل

********************

بعد يومين كان شريف قاعد فى مكتبه كالعاده قدام الصور جاله تليفون من واحد صاحبه ابتسم ورد عليه : الو عماد فينك ياصحبى

عماد : موجود اهو انت الى مش بتسال المهم عامل ايه

شريف : الحمد لله كويس انت اخبارك ايه

عماد : الحمد لله لسه كنت فى مؤتمر كبير لكل شركات الصيدله حتى كان المفروض اسر يحضر هو محضرش ليه

شريف اتن*د : اسر مسافر واول مره اعرف حاجه عن المؤتمر ده

عماد: مالك ياشريف فيك ايه

شريف : حال عيالى مش عجبنى العيال بيكبروا ورفضين يعيشوا حياتهم ويتجوزا

عماد اتكلم بتردد: بصراحه ياشريف الموضوع بقى ملحوظ وفى ناس بدات تتكلم عليهم

شريف : يتكلموا عليهم !!! يعنى ايه مش فاهم

عماد : انا هقول لك علشان تتصرف

شريف : اتكلم ياعماد

عماد : هقولك ........

****************

عند ملاك اخدت( على) المستشفى والدكتور دخله العمليات على طول كانت واقفه قدام العمليات ودموعها مش بتقف فضلت حوالى اربع ساعات واقفه على رجلها وكانت معاها اسيل شويه وخرج الدكتور وجريت ملاك عليه بلهفه : طمنى يادكتور بابا اخباره ايه

دكتور ابراهيم ابتسم : اطمنى يابنتى الحمد لله العمليه نجحت وباباكى شويه وهيخرج بس هيفضل فى العنايه لحد مانطمن عليه الف مب**ك

ملاك بدموع الفرحه : بجد يادكتور يعنى خلاص بقى كويس ومش هيتعب تانى

ابراهيم: انشاء الله بس اهم حاجه الفتره دى الراحه

ملاك ردت عليه زى الطفله : حاضر حاضر مش هتعبه ابدا

ابراهيم ضحك: طيب حمدالله على سلامته استاذن انا

جريت اسيل على ملاك حضنتها والاتنين فضلوا يعيطوا

*******************

فى فيلا الراوى وصل أسر من السفر الساعه تسعه بليل دخل لقى البيت ساكت نده على ام سعيد الى جات بفرحه لما شافته

: حمدالله على السلامه يابنى

أسر ابتسم: الله يسلمك اومال ا****عه فين

ام سعيد : الاستاذ أدم فى اوضه. والبيه الكبير فى المكتب بقاله اكتر من ساعتين

أسر استغرب : ساعتين دا كده يتعب انا داخله

ام سعيد: طيب احضرلك العشا

أسر در عليها وهو رايح على المكتب: لا ياام سعيد مش عايز

فتح باب المكتب ويادوب دخل لقى شريف نازف دم من انفه وجسمه نصه مرمى من على الكرسى جرى عليه بسرعه : باباااا بابااااا رد عليا فيك ايه اااادم ااادم

ادم سمع صوته نزل يجرى واول مادخل اتصدم لما لقى ابوه مبيتحركش : فى ايه ياأسر بابا ماله

أسر بلهفه : اطلب الاسعاف بسرررعه ياأدم

أدم اتصل بالاسعاف وبعد ربع ساعه وصل الاسعاف واخده على المستشفى

**★******★*******★***

عند ملاك كانت واقفه قدام العنايه وعنيها على ابوها ودموعها لسه بتنزل

أسيل قربت منها طبطبت على كتفها : كفايه عياط بقى ياملاك الحمد لله اطمنا عليه وانشاء الله هيقوم وتجوزيه كمان

ملاك ابتسمت : الحمد لله بس نفسى يفوق ويكلمنى

أسيل : يابنتى ماالدكتور قالك انه اخد مسكنات علشان كده نايم اهدى بقى

ملاك : الحمد لله ربنا يكمل شفاه على خير

أسيل: اللهم امين .. انا هنزل اجبلك حاجه سخنه من تحت وجايه

ملاك : لا خليكى انتى انا كده كده نازله للحسابات نسيت ادفع باقى المبلغ

أسيل : طيب اجى معاكى

ملاك : لا خليكى علشان لو فاق انا مش هتاخر

نزلت ملاك وفضلت اسيل قدام العنايه وعنيها عليه

وصل الاسعاف المستشفى واسر معاهم وادم وراه بالعربيه

دخلوا المستشفى يجروا بشريف ووراهم أسر الى بقى ينادى بصوت عالى : دكتور بسرعه فين الدكاتره الى هنا

إجى دكتور الطوارئ يجرى اخد شريف ودخل بسرعه على الطوارئ

نزلت ملاك تحت عند الاستقبال لقت فى هيصه جامده فضلت واقفه مش عارفه فى ايه ولما لقت الدنيا مقلوبه مشيت هى على الحسابات كانت بتعد الفلوس الى راحه تتدفها فجاه خبطت فى حد رفعت وشها تتاسف اتصدمت لما لقت قدمها اخر واحد تتوقع تشوفه هنا

اسر كان واقف هيجن ابوه جراله ايه جت عليه ممرضه : لو سمحت يافندم محتاجين حضرتك تدفع مبلغ فى الحسابات

أسر هز دماغه ومشى نحيه الحسابات فجاه خبط فى حد بص لقها واحده لسه هيزعق فيها سهم لما شافها

ملاك بصتله واتصدمت وقالت فى سرها : أسررر

أسر بصلها واستغرب الشبه بينها وبين ملاك السكرتير بس ازاى وهو قال مالوش اخوات

ملاك فاقت بسرعه من صدمتها واعتزرت وجريت بسرعه على فوق

أسر فضل باصصلها لحد مااختفت من قدامه واستغرب من توترها رجع ركز على ابوه التعبان وراح على الحسابات ورجع تانى على الطورائ

طلعت ملاك بتنهج واول ما أسيل شافتها اتخضت : مالك ياملاك بتنهجى كده ليه

ملاك : أسر شافنى

أسيل اتصدمت : يالهوووى ايه الى جابه هنا وعرفك

ملاك بقلق : مش عارفه بس بصلى قوى

أسيل بقلق : طيب هتعملى ايه

ملاك : انا مش قادره اركز دلوقت اطمن على بابا وبعدين افكر

عند اسر الدكتور خلص كشف على شريف وخرج جريوا عليه واتكلم اسر : خير يادكتور والدى فى ايه

الدكتور : ماتقلقيش الحمد لله جات سليمه الظاهر زعل شويه فالضغط علا عليه فعمله نزيف وستر ربنا ماسببش جلطه

أدم : بس محصلش حاجه ده كان كويس جدا زعل من ايه

الدكتور: والله ياجماعه واضح ان الموضوع نفسى فانا رأى تعرضوه على دكتور نفسى

أسر : يعنى هو ممكن يروح معانا ولا محتاج يفضل هنا

الدكتور : لا ممكن يروح بس زى ماقولت شوفوا دكتور نفسى

أسر : انشاء الله هنعرضه على دكتور نفسى متشكر قوى

راح أسر يطمن على ابوه وهو داخل قابل دكتور ابراهيم صاحب شريف بس مش بيتقبلوا كتير

:أسر عامل ايه واخبار شريف ايه

أسر: الحمد لله بخير

ابراهيم: انت بتعمل ايه هنا

أسر بزعل : بابا تعب شويه بس الحمد لله جت سليمه

ابراهيم : ومكلمتنيش ليه على طول

أسر : والله يادكتور اتلخبط ومكنش عارف بعمل ايه

ابراهيم : هو فى الطوارئ ولا طلع فوق

أسر : فى الطوارئ والدكتور الى كشف عليه قال ممكن يروح

ابراهيم اتحرك يدخله وهو بيتكلم : طيب تعالا اما اشوفه

دخلوا كان شريف على السرير باصص للسقف وادم جنبه

أسر بص لادم شاوله انه مش عارف ماله قرب منه ابراهيم

: شريف مالك الف سلامه عليك

شريف اتن*د : الحمد لله يابراهيم انا كويس عايز اروح

أسر : حاضر يابابا بس دكتور ابراهيم يطمن عليك

ابراهيم بص لاسر : خد ادم ياأسر وسبنى معاه شويه

طلع اسر وادم وابراهيم بص لشريف : مالك ياشريف فيك ايه

شريف : انا كنت كويس فجاه حسيت بصداع ومحستش بحاجه بعد كده

ابراهيم وهو بيكشف عليه : حد زعلك

شريف سكت وغمض عنيه ابراهيم فهم ان فى حاجه زعلته علشان كده ضغطه علا : عموما الحمد لله انها جت سليمه اهم حاجه متزعلش نفسك وكل حاجه هتبقى تمام

شريف : انشاء الله

خرج ابراهيم لاسر وادم : هو حصل مشكله فى الشغل ولا معاكوا

أسر : محصلش حاجه انا كنت مسافر ولما رجعت لقيته فى المكتب مبيتحركش وبينزف وادم كان فى اوضته

ادم : انا كنت معاه فى المكتب واطمنت عليه ومكنش فيه اى حاجه

ابراهيم: عموما اقعدوا معاه وشوفوا ايه مزعله

اسر : حاضر ممكن نروح ولا محتاج يفضل هنا

ابراهيم : لا تقدروا تروحوا الف سلامه عليه

دخلوا اخدوا شريف وروحوا وطول الطريق شريف متكلمش خالص

★*******************★