"Nandito na naman s'ya?" sa loob-loob na wika ni Bea.
Samantala si Red din ay medyo naiilang kaya ipinasya n'ya na sipatin muli ang motif at mga props na gamitin sa photo shoot.
Awtomatikong napatingin naman si Sunshine nang makita s'ya sa kinatatayuan n'ya. Nahagip s'ya sa gilid ng mga mata nito. Pagkuwan ay bumitaw sa pagkakayakap si Sunshine.
"I Miss you," habang nakatingala kay Blue at sadyang pinapungay ang kanyang mga mata.
"Nandito pala ang sawa." napaismid s'ya at nakita iyon ni Blue nang hindi n'ya nalalaman. Palihim kasi s'yang sinulyapan ni Blue at napangisi ito.Tumalikod s'ya at kunwari ay tumingin muli sa mga frame. Ngunit sadyang wala roon ang pokus n'ya kundi nandoon kay Blue…
Kaya naman pagkaraan ng ilang minuto ay sinulyapan n'ya sa gilid ng kanyang mga mata si Sun
