Nagpatuloy ang panliligaw ni Blue kay Bea, habang sina Georgina at Luke ay magkasintahan na. At halos araw-araw ay magkasama ang dalawa. Sa pagpasok sa university ay hatid at sundo ni Georgina at Luke si Carla kaya kahit paano ay masaya pa rin ito.
Si Bea at Blue naman ay may mutual understanding na kung tutuusin. Patuloy ang paghahatid at pagsundo nito sa bahay ni Bea. Isang araw ay nasa labas ang ina ni Bea nang minsan ihatid s'ya. Doon nga ay dali-dali na pinapasok nito si Blue sa loob ng bahay. Si Blue naman ay agad na nagmano rito bilang paggalang. Wala ng nagawa si Bea kaya tahimik na lamang na sumunod papasok ng bahay.
"Ano ka ba naman, Bea!" palahaw ni Celine kay Bea.
"Dapat pinapatuloy mo man lang ang manliligaw mo para makilala ko rin!" wika nito habang aligaga ito na asikas
