Chapter 35
Bella's POV
"Ate, wala bang balak umuwi 'yang guwapong bisita mo?" pabulong na tanong sa akin ni Iza.
May dalawang oras na simula nang dumating sila ni Nathan galing ng park at palengke.
Nagkibit ako ng mga balikat kasi hindi ko na rin alam ang isasagot ko sa kaniya. Abala siya sa pakikipaglaro kay Abby. Ang weird lang dahil nagpunta siya rito para makipaglaro sa mga bata.
"Hoy, ano nga, ate? Bakit kasi siya nandito pa rin siya? May lakad ba kayo ng Boss mo."
Umiling ako. Ipinagpatuloy ko ang pagmemeryenda. Nang dumating sila ay may mga pasalubong silang mga tinapay galing sa bakery shop ni Mang Santor. Kantina iyon sa unang kanto. Nagtimpla rin ng juice si Iza. Iyon na ang naging meryenda ko at tanghalian. Mabuti na lang hindi maarte ang bisita. Kumain din siya nang k
