Chapter 11
Bella's POV
Parang gusto ko na lang magpalibing ng buhay dahil sa sobra-sobrang kahihiyan. Pinagsisisihan kong nagpunta pa ako rito sa store. Sana ay nagtiyaga na lang akong maghintay sa labas ng building kanina. Nakabababang may kasama akong nakaririnig lahat ng mga sinasabi ni Sir Kael. Ang malala ay sa harapan pa ng taong walang ginawa kundi ang pakitaan ako ng kabutihan.
Parang bomba sa pandinig nang sabihin ni Sir Kael na inutang niya kay Sir Dylan ang perang ibabayad niya sa akin ngayon. Iyong mga masasakit na salita ay kaya kong tiisin pero 'yong malalaman pa ng iba ang ginawa ko ay ibang usapan na. Hindi ko na kayang dalhin 'yon kahit pa alam ko namang kasalanan ko.
Pagkatapos kong mag-ipon ng lakas ay mabilis akong tumayo. Nagpapasalamat ako dahil nakabawi na ako mu
