Chapter 25
Inaayos ako ang puwesto ng pencil skirt at pati itong long sleeve ko. Muli akong lumapit dito sa malaking salamin dito sa sala at inilapit ang mukha ko. Sinuri ko ang make up ko. Satisfied naman na ako sa light make up na nilagay ko. Old rose ang napili kong touch ng lipstick ko para hindi masyadong nakakakuha ng atensiyon. Parang normal nga lang ang itsura ko ngayon. Nagkaroon lang kaunting buhay.
"Ate, baon mo, oh," Hinihila-hila pa niya ang laylayan ng palda ko.
Lumingon ako para makita siya. Napangiti ako nang makita ko ang iniaabot niyang baon ko na nakalagay pa sa maliit na paper bag. Si Abby talaga ang tipo ng batang sweet kahit tahimik.
"Ano iyan?" nangingiti kong tanong sa kaniya bago ko ito kunuha mula sa mga kamay niya. "Ang sabi ko naman sa 'yo, huwag ka nang nag
