Chapter 29
Dylan's POV
Mas binilisan ko pa ang paghakbang ko nang makita kong nakakalayo na si Bella. Sa gitna ng tirik at mainit na araw ay narito ako sa kahabaan ng edsa at sinusundan siya. Wala na siyang pakialam sa mga natatabig niyang mga bagay at nababanggang mga tao. Tanging ang makalayo mula sa building na pag-aari ni Kael na lang yata ang tumatakbo sa isipan niya ngayon.
Tumakbo ako nang mabilis at nang nasa tabi ko na siya ay mahigpit ko siyang hinawakan sa mga kamay. At patay malisya ko siyang hinila at iginaya rito sa loob ng elevator paakyat ng Boni LRT station. Unti-unti kong binitiwan at kasabay niyon ang dahan-dahan kong pagtingin sa kaniya.
Napalunok ako nang makita ang mukha niyang nakatingala sa akin at tahimik na lumuluha. Napakagat ako sa ibabang labi ko. Hindi ko
