Chapter 21
Bella's POV
"Bella, ikaw pala," nanlalaki ang mga matang sambit ni Cassie. Tumingin siya kay Sir Kael at ngumiti na lang nang alanganin. "Hi po, Sir," bati niya rito.
Gusto kong matawa sa itsura niya ngayon. Para siyang kinikilig na hindi ko maintindihan. Pasimple niya akong kinindatan bago niya tuluyang binuksan ang pintuan. Napatingin naman lahat ng mga kapatid ko sa amin.
"Ate!" sabay-sabay nilang bigkas sa pangalan ko.
Nakarehistro sa kanilang mga mukha ang pagtataka dahil sa lalaking kasama ko. Dahan-dahan na lumalapit sa akin si Nathan at nang tuluyan na siyang makalapit sa akin ay niyakap niya ako sa may baywang. Nangingiming tumingala siya kay Sir Kael at nang bumaba ang tingin niya para salubungin ang mga mata ni Nathan ay mabilis siyang yumuko.
"Sir, si Cassie ng
