Chapter 55
Bella's POV
Hindi ko maaaring ilagay ang utak sa talampakan ko sa pagkakataong ito. Kasal na ang iniaalok nito sa akin.
Sabihin na nating gusto ko na rin siya dahil nga may atraksiyon na akong nararamdaman sa kaniya. Pero hindi iyon sapat para pumayag ako sa alok niya. Madali lang mag-oo, pero mahirap panindigan. Hindi ko pa siya gano'n kakilala...
Komplikadong tao ang tingin ko sa kaniya... Kapag pinagsama kami, pareho na rin kaming komplikado. Ayaw ko na ulit sumuong sa komplikadong mundo...
"Galing ka na roon, Bella... Pero ano ang nangyari? Naghiwalay rin kayo ng lalaking iyon..." pagpapaalala sa akin ng utak ko.
"Bella..." untag ng lalaking ito sa akin. Nasa mga mata ang pagtitiyaga sa paghihintay ng magiging sagot ko.
"Alam mo ang sagot, Kael... Alam kong alam mo...
