Nabalot ng tensyon ang buong silid at opisina ni Felicio. Naramdaman ni Bart na hindi natuwa ang presidente sa kaniyang sagot lalo na nang makita niya ang ekspresyon nito na tila sumimangot. Bumalik sa kaniyang kinauupuan si Felicio at tiningnan ng masama si Bart. Isang matalim na tingin, kaya naman hindi nakatingin ng diretso si Bart sa kaniya. Napansin iyon ni Justine kaya naman agad niyang iniba ang usapan. “Puwede na ba kaming umalis pa?” mahinahong tanong ni Justine. Napabaling ng tingin sa kaniya si Felicio ngunit hindi natakot si Justine. Sanay na kasi siya sa ganitong sitwasyon nilang mag ama dahil palagi ito napapagalitan o napapag sabihan sa tuwing mag kasama sila sa bahay. “May klase pa po kami” dagdag ni Justine.
“You may go” mahinang sagot ni Felicio.
Hindi na nagpatumpik pa
