اقتحمت جنتى

الاقتباس الثانى

فى الصعيد فى قصر الراوى

جلس سليم يضغط باسنانه و هو يقوس فمه و يكور قبضه يده حتى ابيضت مفاصله و ينظر حوله لجمع عائلته الجالس يتشاور بامر زيجته المزعومه من ابنه عائله الحديدى فظل يتنفس بقوه غاضبه حتى خصه عمه بالحديث يردد

# نويت على ميته الدخله يا سليم؟

نظر له و هتف بضيق بلهجه صعيديه قاسيه

# و چايين على نفسكم ليه؟ و بتاخدو رأيى ما تحددو انتو كمان معاد الدخله عاد

انقشع وجه ابيه بالضيق فصرخ به يردد بعصبيه

# كنت عايزنا نعملو اييه يا ولدى و الكل واجف معاهم و كل كبارات البلد شايفين ان ده هو الحل الوحيد

اجابه سليم بعد ان هب واقفا

# و الحل الوحيد انى اتچوز بنت الحديدى اللى جتل اخوى.....و دلوج بجيت واحد منيكم مش ولد المصراويه و مطلوب منى اضحى عشان خاطر العيله و الدم؟ و كمان واحده ارمله، ليه؟ هو انى مش من حجى اختار اللى رايدها و اكون اول بختها كيف ما حتكون هى اول بختى

ردد والده بغضب

# و انت كنت چيت و جلت انك رايد تتجوز و انى رفضت، ده انت بجى عند*ك 33 سنه مستنظر ايه؟

اجابه بصوت حزين

#الاجى اللى احبها يا بوى، مش چواز و السلام

اجابه والده

# طيب عند*ك حل تانى؟ اجوزها لاخوك الصغير اللى ما تمش 20 سنه و لا اجوزها لسليمان على مرته و بت عمه؟

تن*د سليم بضيق و اردف

# يعنى مفيش جدامكم غيرى.... دولج بجيت منيكم، و ماله و انا موافج انى ابجى واحد منيكم بس مش بالطريجه دى، انى مش بت حتچوزوها غصب عاد

هتف ف*ج بغضب

#حت**ر كلامى يا سليم و تصغرنى جدام الخلج

نظر له باحترام و خنوع و ردد بادب

# ما عاش و لا كان يا بوى اللى يصغرك عاد،بس.....

قاطعه ف*ج بحده

# ما بسش......الحكم نزل و الكل وافج عليه و فى النهايه انت راچل و لو طلعت عفشه عاد من حجك تتچوز تانى و تالت و رابع و محدش يجدر يغلطك و لا يجول حاچه واصل

ردد سليم بتاكيد و هو ينظر لزوجه ابيه نظرات ذات مغذى

# و لو اتجوزت غيرها حتعاملوها هى و ولادها كيف؟ زى الاغراب مش اكده!! و لو العروسه طلعت عفشه حيكون مطلوب منى اعاشرها بالحسنى عشان الصلح

اطرق راسه بعد ان نفذت طاقته فردد بالنهايه

# خلاص يا بوى.....اللى ربنا رايده حيكون

ردد ف*ج بتاكيد

# وٌ عٌسِﮯ آنِ تٌکْرهّوٌآ شُيَئآ وٌ هّوٌ خِيَر لَکْمً

اومئ سليم بخنوع بعد ان علم ان البت فى هذا الامر قد انتهى و لا رجعه فيه مطلقا

♡♡♡♡♡♡♡♡♡♡♡♡♡♡

فى نيويورك بالولايات المتحده

اشتد المرض بمحسن بعد ان اخبره رفيقه يحيى بما يمس سمعه ابنته فى المشفى الذى تعمل به من اقاويل و اشاعات تفيد بان ميولها شاذه

اقتربت جنه من والدها الراقد على فراش المرض تحاول التحدث له و لكنه ابى ان يستمع لها و لكنها عنيده لا تستسلم بسهوله فحدثته مؤكده

# انت عارف يا بابا انى مش كده...و الكلام ده بيتقال عشان مش بوافق على اى ارتباط ففكرو انى يعنى عندى شذوذ

صرخ بها بحده يردد

# و مين اللى اداهم الفرصه يتكلمو كده؟ مش انتى اللى لا عايزه تفرحى قلبى و لا تطمنيمى عليكى

دمعت عيناها من قسوته معها فهو لا يعلم ما مرت به فى بيت زوج والدتها فحتى بعد ان قصت له مقتطفات مما حدث معها لم تستطع ان تخبره بكل الحقائق خوفا عليه و على صحته

جلست بجواره تربت عليه و هى تردد

# ايه اللى يرضيك و انا اعمله؟

اجابها بما لا يدعو التفكير

# تتخطبى لياسر على الاقل السمعه اللى طلعت عليكى دى تروح

ابتلعت ل**بها بضيق و الم و رددت باستسلام

# موافقه بس......

قاطعها والدها

# بس ايه يا جنه؟هو لسه فيها بس؟

اجابته بمهادنه

# واحده واحده عليا يا بابا......كل الحكايه انا عايزه بس اخلص رساله الماچيستير و بعدها.....

قاطعها مره اخرى يردد بتاكيد

# لو انتى موافقه يبقى الخطوبه تتعمل دلوقتى و الجواز بعد ما تخلصى الرساله بتاعتك

زفرت بضيق و اجابته

# حاضر يا بابا...اللى تشوفه

و بالفعل تم خطبه جنه و ياسر فى حفل ضم الاصدقاء و المقربون و بعض العائلات المصريه المتواجدين هناك

♕♕♕♕♕♕♕♕♕♕♕♕♕♕♕♕♕♕♕

اخواتى الغير مصريين قولولى موقفكم ايه من اللهجه المصريه الصعيديه؟

هل مفهومه بالنسبه لكم و لا اسهلها شويه عن كده؟

قولولى رايكم فى الروايه حبتوها و لا لأ؟

متنسوش الڤوت و الكومنت و الفولو عشان يوصلكم كل جديد ❤❤