Chapter 10
Kanina pa kami umiikot ikot ni Daryl dito sa Ala Moana Shopping Center. Ito kasi ang pinakamalaking pamilihan dito sa Hawaii kaya dito ko siya niyaya. Nung una ay ayaw niya pang pumayag dahil marami daw tao at baka mapagod ako dahil nga malaki masyado pero magpapatalo ba ako eh sa gusto kong libutin ang buong mall na 'to? Hehe. Sinabi ko naman na hindi ako magpapagod kaya panalo ako. Habang naglalakad kami, hindi lang mga Native Hawaiians ang mga nakakasalubong namin. May ibang mga foreigners din mula sa iba't ibang mga bansa. Sikat nga talaga ang lugar na ito at dinarayo ng mga turista.
Hinila ko si Daryl dun sa isang stall na parang food court nila dahil may nakapaskil na 'Free Taste'. Kung hindi niyo nalalaman, simula pa nung high school ako ay may magnet na ako
