Build Her Everyday

Prologue

Maingay at maraming tao. Ganyan ilarawan ang pinapasukang trabaho ni Rye, isang binatilyong dalawampung taong gulang, ulila at walang permanenteng trabaho. Malaking bagay ang trabahong ito sa kanya para makapag-ipon at makapagsimula ng bagong buhay sa pinapangarap nitong mapuntahang bansa.

Sa bawat sulok ng lugar ay makikita mo siya, hindi para tumayo kundi magpunas ng lamesa at maghatid ng inumin sa mga tao.

Hating gabi na, tapos na ang oras ng kanyang trabaho kaya naman nang tawagin ito ni Ms. Kath na kanilang Manager ay nagtaka ito.

Mula sa isang sulok ay nakangiti nitong tinanggap ang alok na mag-over time. Mas lalo siyang na-excite nang isipin kung ano ang itsura ng club pagpatak ng ala una ng madaling araw.