الفصل الثالث

1782 Words

مساء الخير عدنا نواصل سرد روايتنا قوارير محرمه لذكرى المندلاوي ٠٠٠٠٠٠٠٠٠٠٠ ايه سمعت صوت طبه خفيفه بلسطح ٠٠٠گلبي كام يرجف منو هذا؟ الحجيه ام سلام نايمه تشخر ومبين عليها بسابع نومه شلون يربي يصير عرفوا مكاني ولده واجو ياخذون بثاره اوووف يربي اني ناقصه خوف سنوني كامت طكطك وحده بلوخ٠٠٠احتاريت اكوم اشوف منو حته إذا همه انهزم للشارع و اصرخ بعلو صوتي ويساعد وني الناس ٠٠٠الجوارين لااء بس اخاف يكتلون الحجيه هاي متكدر تنهزم وتصير بأيديهم شنو ذنبها احتاريت كل هذا دقيقتين مطولت هزيت الحجيه خاله ام سلام اكعدي داسمع صوت من السطح اخاف همه لو حرامي يمكن٠٠ فزت خالتي وكالت سترك ربي لدكوليها وين نروح بهل الليله واحنه ثنين نسوان لا حول ولا قوه بالله دكومي على حيلج شوفيلي ساطور سجينه بس ديري بالج يطلع منج صوت حستني ارجف بنيتي صيري قويه ال الله كاتبه نشوفه جم دوب انظل لابدين التليفون جان جوه رأسها سحبته ودكت رقم الوو انت وين يامعزه اليفترالهل وكت؟ تعال للبيت بسرعه اريدك ايه فكيت حلكي مصدومه معقوله ام سلام شوو ادكول ماعندي احد لعد هذا الي اتصلت بي منو معقوله ابنها سلام نسيت إلى رايحه عليه ام سلام لحوست مخي بهذا الغريب إلى تتصل بي وتريده يجي وبهل الليله اهنا صارت الطبه أقوى جيت اصيح تلاحكت على روحي بآخر لحظه وكتمت حلكي رجعت لام سلام خاله ماكدر اخاف ادري بيج مدبريها وطلعت مسدس من جوه رأسها ذبته على الدوشك وظلت كاعده بمكانها عززره صخام هاي طلعت مو هينه ام سلام تليفوناتها وادور سلاح شبيج خايفه خل بس يگرب ال اخسره عمره هل الدون هذا جن عرفت بسؤالي جاوبتني بسرعه من شافتني اباوع للسلاح وعيوني على وسعهن همست لتخافين خالتج متمكنه من ايام المدرسه واحنه بكدج علمونه على السلاح اهنا صار الصوت بالمطبخ صحت اني اركض بحضنها خاله لحكيلي اني بعد ماتحمل حيكتلونه اتشاهدت واني مغمضه وارجف اشهد ان لا اله الاالله وأشهد أن محمدا رسول الله صاحت ام سلام ابن الجلب هي هاي طلعه تطلعها من وره سوالفك حنجلط فد يوم سمعت ضحكه قويه رجت أركان الغرفه كلت حيوكع الحايط عليه ام سلام وهيه تمسح بشعري واني مابين اليقضه والحلم خرعت اللبنيه الله ينتقم منك كون بعافيتك يشراب المعاصي اريد افتح عيوني واندار عليه مااكدر الهبطه إلى اني بيها ميبستني مثل العود اسمع صوت رجولي بي خشونه وبنفس الوقت بي بحه نفس صوت راضي من يجينه شارب كرهته بدون ماشوفه شهم وهو يأشر برأسه لايه وهاي السالفه الجديده منين طلعتينه بيها تالي وكتج اششش ولا كلمه مالك شغل بيها روح اصعد الغرفتك انطمر وبعد لتعيدها صاح بصوت رجفني خلاني احوس بحضن ام سلام واتختل براسي مثل الطفله إلى شايفه حلم وتستنجد بحضن امها شتريدين اسوي إذا انتي مبدله مفاتيح البيت كل أسبوع مد كولين هذا الكواد ابن الكواد صاير جلب مسعور بالشارع لا برد الشتا ترحمين ولا حراره الصيف اي عيوني انتي٠٠٠٠ شعندج كاعده ومتهنايه صفك بيده وعوفي الچلب السلوگي للشوارع٠٠٠ يالله حته صوت الصفكه رجت أعماق راسي وسفه عليك أشر الصوره بلحايط انت تنام بالتراب وهاي تظل عايشه أنجب لك لاترسه الحللك صخام اسود أشرت عل المسدس هههه والله زمان بعد ماجنتي خدامه جوه رجله ورجل ابنه صرتي الأمره الناهيه اسكتتتت ماريد حجي زايد ٠٠٠فلوسي وبيتي ملكي عاجبك اسمع الكلام وتصير آدمي و ذيج غرفتك روح انطم بيها معاجبك ذاك الباب وروح للشارع والأصدقاءك الساقطين عيش حيات الجلاب إلى عايشيها رجع علا صوته ولج حسنه تالي وكت تهددني حرمه اتقرب اسمع خطواته صاحت يبووو مدري شلون صارت عندي شجاعه بلحظه أتذكرت موقف امي وراضي المجرم وهو يضربها التفت للسلاح وحاولت الزمه بايديه الاثنين صحت اوكف جبان بيك خير ومد ايدك عليها إله أفرغ شكو رصاص براسك ايه عيوني بس عل السلاح ليوكع وادعي بگلبي أظل مسيطره٠٠٠ جسمي يرجف ماشوف غير انسحب من أيدي ويجيني الراجدي نفس الموقف القديم اني وراضي الحقير نسيت المكان ورجعت للذاكره صحت الله ينتقم منك شتريد منها عوفها الحالها الامي شسوتلك حته تموتها تريد فلوس؟ من باجر اطلع اشتغل واجيبلك إلى تريده بس خليها عايشه٠٠٠ اني بلياها اموت أبوس ايدك عوفها وكل الي تريده يجرالك شهم مرسومه على وجه الصدمه وهو يحاول يفهم الجاي يصير التفت الأم سلام هاي شنووو؟؟ هلدوره طلعتلج بنيه والله انتي مو هينه طول عمري كلت هاي المره لازم وراها سالفه تالي طلعتي غاشته للمرحوم لا وغاشتنه كلنه كالت عمتي واني مصدكتها معقوله وين جنتي ضامتها هااا صرخ احجييي شلون جنتي غاشته البويه طول هل السنين احجي عجوزه البين لا اترس حلكج صخام ايه حسيت بي حيضربها امبين عليه مسقط وميحترم وأيده والگبر وهيه مره جبيره وصاحبه مرض ركضت صرت بينهم احاول اركز بوجها امسح بدموعي إلى سوت غشاوه على صوره وجها ضخم اسمر حيل ملتحي شواربه خفيفه دخت واني ارفع براسي ضخامه جسمه امام بنيتي الضعيفه شي ممتوازن٠٠٠ جاي اكول هاي مو امي دفعتني ام سلام وسبقتني دشو وخري خل اشوف هذا شناوي الليله باوعلي لك الفلوس ماكو وبنتي خط أحمر ماعندك شي يمنه وهاي كلش زايده مني ألفيك عندي تمشي عدل لااخابر عمك يجيك بهل الليله وتعرف انت عمك كلش زين خزر بيها رجع خزر بيه اباوع لعيونه حمر دم حواجبه كلش ثخان لا ميشبه راضي شخلاني وابتليت على عمري وكتله امي اووف وين ما روح لازم تجيني مصيبه شمر السلاح عل الطبله بكل قوه وعبالك يتوعدها بشر طلع بخطوات قويه يحاول يثبت الا مبالاه بس هو كان باين يحسب العمه الف حساب ام سلام تن*دت اووف ربي شوكت تصلح حاله ويرجع مثل الاول ايه عجبني تصرفاتها وكلامها بعد مراح وصعد الغرفته كانت تقراله آيات وتدعي ربي يصلحه طبكت باب الغرفه ليروح يرجع مره ثانيه انتبهت لا بي سركي ولا قفل وساعه الساعه يمكن يجفت علينه٠٠٠خوفه صارت بجسمي تكزبر بس بنفس الوقت جان عندي فضول اسألها ايه خاله شنو قصته وليش تدعيله مو راد يموتج تن*دت يبنيتي هذا لو شايفه قبل كم سنه مجان هو نفس الي تشوفي اليوم طالب كليه الهندسه وشحلاته الصبح يداوم و العصر ويه ابوه الحجي بلمحل بس اخخخ من رفقت السوء همه إلى دمرو وجابو الطريق أظلم مابي غير الموت وخسران الذات قبل العزيز يعني هذا جان طالب بس جبير يعني عمره مو مال كليه ايه انطيته عمر خمسه وتلاثين (٣٥) اي بنيتي هو (٣٠)سنه عمره ومبين أكبر من عمره من وره سوالفه الصكط عوفيج منه وبالج تحاجي لو توكفين كباله مثل اليوم هذا مينحزر كلشي يطلع منه وانتي ماشاءالله عليج وهذا عمرج يخوف شتقصدين خاله اني كلشي اعرف ناسيه اني بنت شارع ومار عليه أشكال وألوان بس ممار عليج احد مثله صدكيني توقعي راضي يمكن كدامه مطي كلشي ميفتهم داهيه كل يوم يجيني بدرب حته ياخذ إلى يريده الحد ماخلانه اني وابوه عل الحديده وخسر ه كل املاكه الحد ماجته سكته قلبيه ومات بسبب افعاله همزين ربج لحك كتب هذا البيت بأسمي وهذا لاشى جان بيت مال عماله الي بلمحل يجون من المحافظات بس من انباع البيت والعماير كال ماريد تنشمرين بالشارع وتتبهذلين وراي بعد ماكطع الرجاء َمن ابنه الوحيد يوم مسجون يوم ضارب جماعه ماعدا البوك اووف شكولج وشحجي سالفه طويله وانتي عقلج على كدة بس الي اريد اوصله ديري بالج منه هو هيجي يجيله كم يوم من تخلص فلوسه وبعدها يجي عمه ينطي المقسوم من سهمه إلى بمحل ابو إلى نباع واشتراه منه عل هل الاساس مفهمينه اني وعمه٠٠٠٠ هو ميدري بعده بأسم الحجي ابو عباله صدقه منه بس يعرف يدكلنه طبل واله يبيع الأول والتالي من هذا سكت عنج من جبتيله طاريه خاف اليحرمه من المالات ؟؟؟ هزت راسها ٠٠٠ايههه تتحسر ٠٠٠وكالت نامي نامي الله كريم بلكي ينفخ بصورته ويهدي ايه كلت بگلبي ممبين حينعدل ٠٠زين شلون حتحمله جسمي كله كزبر من اتذكرت وجه٠٠حكيت ذراعي احاول هدي روحي اووي شريد منه موسى بدينه وعيسى بدينه سألتها خاله ام سلام وهيه تعدل فراشه تريد ترجع تنام معقوله يجيها النوم بعد هل الكارثه إلى صارت احس اكو قنبله فوك راسنه و ياساعه تنفجر وتكتلنه اثنينه عيونه تحجي أشكال الإجرام٠٠ ماصدك بس بوك اكيد خطف وم**رات ولوازمه لعد عليمن مات الرجال اكيد شي غامض ومتحب ادكوله الحجيه كتلها انتي هم طالعه للسوك باجر عرفت شقصد باوعتلي ولج مستحيل اعوفج انتي امانه عندي ويتيمه ماذبج بحلك الذيب واني اعرف كلشي عنه هذا بس دره بيج بنتي حيحاول يبتزني بيج فكيت عيني بعد شلون خاله خوفتيني وين اروح ماعندي غير هل المكان انتي كلشي تعرفين عني اي ولهذا السبب أكلج لا تنحكين بي واني ماطلع هل الايام الثلاجه تارسيه مسواك مال اسبوع والحمد لله بقت بس النواعم اخلي اي واحد من للشارع يجيبه بس طلعه لا اني ولا انتي زين خاله ليش متخابرين عمه يجي حته ياخذه عمه مسافر الاربيل عنده بضاعه هناك ويمكن يتأخر كم يوم ولحد مايجي اسمعي كلام وبعد لتسالين وإذا سالج وين جنتي عايشه واي معلومه انطي الأذن الطرشه اني احاجي فاهمه بنيتي هزيت راسي خوفتيني بلزايد وين جانت مضمومتلي مو جنت مرتاحه بس هو الفقير فوك البعير وعضه الجلب حاولت انام غفيتلي يمكن دقايق وجان اسمع صوت شهم لج كومي سويلي شي ازقنبه لو هذا هم ممنوع عليه كامت الحجيه ام سلام عدلت روحه وكعدت متربعه هم شكووو صرخ زقنبوت اريد زقنبوت ذاك بلثلاجه حمى واكل وهاي شنو شغلها لو ست الحسن بيديها نقش الحنه حبيبة امها٠٠٠ واني الجلب السلوكي استغفرك ربي كايمه اني اسويلك عوفها خلها تنام بعدها ممتعلمه ع الطباخ هاااا ممتعوده لو تستنكفين اصخرها رحمتك ربي كومي لججج ٠٠٠٠ شو اليوم إله هيه تسويلي عشه و طخت بدماغي مااكل إله من ايدها ولك ليش متخاف الله متشوفها خايفه وترجف منك وبعدين هيه متعرف تشعل الطباخ ايه ادري بيها تكذب حته لا اسويله عشه لأن اني كلشي تعلمت طول هاي الفتره العشتها وياها حته طبخي كلش طيب التفتلي ولججج من باجر تدخلين المطبخ وتتعلمين كلشي احنه اهنا ماعنده هوانم افتهمتي كلشي تتعلمين ويوميه اكل شكل من ايدج يحجي ويباو علها الام سلام ير يدها بس تفتح حلكها حته يدورها حجه كامت خطيه كوه تشيل روحها فاتت كدامه التفتلي مخنزر دبت بجسمي رعشه رهيبه دنكت صدك يخوف كأنما يتوعدني انتبهتله لابس دشداشه سوده وكاف الردن رجع طبك الباب وراه بكل قوه . هاي شلون ليله متخلص وين جانتلي ٠٠٠٠٠ بغير مكان محسن تعال مزعل ليس جاي تركض وتلهث جنك دجاجه ماخذين فروخها أنجب وصم حلكك يبن سعده هااا هاي على ياهو ولك اليوم إله اسمط ابيك عليوي. هذا ياهو مزعل تعال شكو شصاير مزعل. عمي يكول اليوم الكل معزوم وره صلاه المغرب لجن خطبه شيخنه مرتضى على بت عمي فلاح هااا بيها الخير جايين انشاءالله محسن الله يكون بعونك يخوي مرتضى عليوي ابو محسن ليش شصاير مرتضى مجبور يتزوج بت ساجد وهو ميهواها العشره تخلي يهواها ادري مو بيده هذا أوامر جده هو جاي يودع ولزمن يسمع كلامه شكلك بويه هيه هم السالفه هيجي كلها مصالح بويه ساجد ايده اليمنه للشيخ الجبير وبيده تجاره السلاح وتقريبا السوك كله البيع والشرايه بيده وهو الوسيط ومحسن يخاف عليه بس يتفق وياهم من بعيد لبعيد وهل السبب زوجه بنته حته يصير بينهم دم ولحم ويطمن عليه ويكون مسؤول منه على كولتك مصالح متبادله وشيخنه ميقدم على خطوه والا حاسبلها الف حساب عليوي ايههه هو ولي نعمتنه ان لا قدر الله وراح الدار حقه يمكن ذاك الوكت غير حساب يصير محسن لا بويه مرتضى سبع ومستحيل يغدر بجماعته ومثل مايعاملنه الشيخ الجبير وهو هم نفسه ايههه الايام تثبت ٠٠٠٠٠٠ مرتضى جدي عندي سالفه ولازم تعرفها احجي شمنتضر عرفت شي عن بت عمتك عرفت وين جانت عايشه وعمتي ٠٠٠٠٠٠ يتبع

Free reading for new users

Scan code to download app

App Store Google Play

Facebookexpand_more