مساء العسل
قصه بعنوان
قوارير محرمه
الفصل التاسع
***********
ايه
بخوف تفرك ايديها تقربت تهمس لام سلام
خاله ام سلام هذا يريدني اوديلي الجاي الغرفته
فدوه اروحلج خلصيني اعرف نيته مو صافيه نظراته
كلش معجبتني هلمره٠٠٠تعرفينه بس اعانده شيسوي
ام سلام
هذا شبي الولد صاير فد مره ويوم عن يوم جاي يزيد اووف شكول غير الله يهد*ك ٠٠٠
ايه
وهسه شنو الحل اخاف يرد يصيحني٠٠
صفنت ولهنالك كالت
عوفي اني اصعدله جهزيله القوري الصغير ترسي
جاي وياه كعك ابو السمسم طلعيله من المجمده
شوف شنو تاليتها ٠٠٠
ايه عبالك جتي النجده مو كالت جهزيله الصينيه
مثل ماكالت وخليته بيده ويه كل بايه ٠٠٠گلبي يدك وتزداد دكاته اخاف يشمر صينيه الجاي بوجها ويعاند
الا يسويلي مشكله٠٠٠ اني بغنه عنها
انتضرت ربع ساعه ماكو اي صوت ٠٠حمدت ربي بس هذا ماله امان
لهناك ونزلت ام سلام كوه تجر نفسها هيه خطيه صعدت الدرج صعبه عليها ٠
