LUMAKI ang mga mata ni Yolly nang nakita niyang pinarada ni Andy ang kotse sa tapat ng isang Dental Clinic. Nalaglag din ang kanyang mga panga. Tapos ay tingin siya rito na hindi makapaniwala. Huwag nitong sasabihing magpapa-brace talaga siya! Waaaaahhhh!
"Let's go," ani Andy nang maayos na nitong iparada ang kotse. Kunwari yata ay hindi napapansin ang mga exagge niyang reaction.
Napatutop siya sa kanyang bunganga. "Ayoko!" ta's angal niya na sunod-sunod ang iling.
Napaismid si Andy na napatingin sa kanya. Kinunutan siya nito ng noo.
"Ayoko! Kahit anong ipagawa mo sa 'kin huwag lang 'to!" sabi pa niya na halos 'di na maintindihan ang sinasabi dahil sa mga nakatakip na palad niya sa bunganga niya.
"What are you talking about? Eh, magpapa-cleaning lang ako ng ngipin. Schedule ko ngayon,
