XXIV.
NAKAKAGIMBAL para kay Jeffri ang tagpong nakita sa bahay ni Kram. Dito siya dinala ni Shaun upang magpalipas muna ng kahit ilang araw upang maiwasan ang mga taong naghahanap sa kanya. Ngunit hindi niya inaasahang doon rin niya makikita ang asawa. At ang masakit ay may kayakap itong isang lalaki.
Ang babaeng bumihag sa pihikan niyang puso, ang babaeng minsang ginawa ang lahat upang bigyan niya lamang ng pansin o kahit tapunan man lang ng kapirasong sulyap. Ang babaeng dahilan ng pagkansela niya sa kanyang kasal sa inakala niyang tunay niyang mahal.
Ito lang din ang babaeng dahilan ng labis niyang kalungkutan. Ang mga gabi't araw na laman ng kanyang isip at panaginip. Na kahit sa kanyang paghinga ay pangalan nito ang sinasambit. Ang nag-iisang babaeng mananatili sa kanyang puso hang
