الحلقه13

1752 Words

«غرام الصقر» البارات 13 "تّعٌريِّفِّ أّلَحٌبِ" هِوِ رجِلَ وِأّنِثّيِّ يِّتّقِنِأّنِ أّلَجِنِوِنِ هِيِّ أّنِوِثّتّهِأّ طّأّغٌيِّهِ وِهِوِ رجِوِلَتّهِ قِأّتّلَعٌ وِأّهِلَأّ بِأّلَهِلَأّګ صقر كان ف عربيته سايق وبيدور علي غرام ووقف مره واحده بصدمه تحولت لغضب قاتل نزل من عربيته بتوعد كانت غرام وقفه بخوف وحواليها اربع شباب محوطنها وهي ف واسطهم مش عارفه تهرب منهم الشاب الاول/ هو ف حد يسيب القمر يطلع لوحده ف الوقت دا؟ الشاب التاني/حظنا حلو ياصاحبي طالعت ف الوقت دل عشان توقع ف طريقنا الشاب التالت بنظره مقذذه/ايوا والله عندك حق حظنا النهارده جامد الشاب الرابع/هتفضلوا تتكلموا كتير يلا الاول قبل ما حد يجي غرام بتترعش من الخوف وغرام بتدعي حد يلحقها ومغمضه عينيها سامعت صوت هي عارفه كويس وهو بيقول/لا اتاخرت ياحلو منك ليه غرام فتحت عينيها بسرعه وجات عشان تروح لصقر بس ف شاب ماسكها من ايديها وصقر عينيه اسودت من الغضب صقر بغضب/سبيها... الشاب بخوف مخفي/لا مش هسيبها ...هي تخصك ف حاجه؟.. صقر بعضب/ايوا تخصني ياروحممممك.... صقر راح عليه ولكمه ف وشه لدرجه انه وقع علي الارض وانفه بينزف وغرام جريت علي صقر واستخبت وراه وشاب تاني راح علي صقر وصقر لكمه ف بطنه وف وشه جامد الشاب قام من علي الارض وكلهم جروا صقر بص لغرام بغضب وشدها وركبها ف العربيه وركب هو كمان وساق تحت خوف غرام اما ف المستشفي كانت ولده غرام بتعيط وناهد بتهدي فيها ناهد/اهدي بس ياام ادهم والله هتكون بخير صقر هيجيبها سهر ببكاء/يااارب ياااارب ادهم بزعيق/كله بسببه انا مش عارف طلع لينا منين دا سهر/خلاص ياادهم خلاص ادهم/لا مش خلاص اختي مش معانا دلوقتي بسببه ....طالع ادور عليها قالي خليك اختي ياجماعه اختي نورهان بغيظ/هو معملش حاجه هو طلع يدور عليها...وبعدين انت لوحدك السبب ادهم بغضب/انا السبب !!.. انا السبب ف ان اختي تختفي ليه بقي؟ نورهان /عشان اختي كانت لسه فايقه من تعبها وجيت زعقت مع صقر ادهم بصلها بغضب ومردش عليها وبص لولدته /انا رايح اشوفها فين... كان لسه طالع لاق صقر وغرام دخلين جري علي غرام وحضنها وكلهم راحوا عليها وادهم بعد شويه بعد عنها ادهم بخوف/انتي كويسه ياقلبي فيكي حاجه؟...مالك ساكته ليه؟... غرام ماصدقت انه قالها مالك واترمت ف حضنه وفضلت تعيط وادهم خاف اكتر عليها قاعدها علي السرير ادهم بخوف/مالك ياغرامي انتي اول مره تعيطي كدا .....مالك ياقلبي فيكي اي؟ غرام هي تمسح دموعها/مفيش ياحبيبي بس وحشتني مش اكتر... ادهم بشك/اكيد ياغرام مش مخبيه حاجه عني؟.. غرام بابتسامه/لا يادومي مفيش... ولدتها حضنتها وفضلت تبوس فيها سهر وهي تمسك ودنها/كنتي في يااخري صبري ...ينفع تخوفينا عليكي كدا؟... غرام بمرح/جري اي ياسوسو دا انا عمله حدثه حتي المفروض تاكليني مش تض*بيني...هههههههه كلهم ضحكوا وساره حضنتها وفضلت تعيط وغرام حضنها غرام بحب/خلاص ياقلبي انا كويسه والله....وكملت بمرح/جري اي ياصرصوره المحن اللي انتي طلع بيه جديده دا ....هههههه يابا قولتلك بيقلب معدتي نورهان بصوت عالي/عااااااا رائيسه الجنان رجعت بالسلامه مازن بمرح/ مش قولتلك هترجع كويسه ....بس دي مرجعتش كويسه دي رجعت عندها جمب ضارب ف دماغها كلهم ضحكوا وساره مسحت دموعها وقالت بمرح/اه والله عندك حق......وبصت لغرام وقالت/يابا يابيئه يامفسده اللحظه الحلوه اسفوخي عليكي كلهم ضحكوا وغرام بضحك/معلش اصل مليش ف المحن ....هههههه.....وكملت بجديه وهي بصه لادهم/ يلا نمشي من هنا مش عاوزه اقعد هنا صقر/مش هينفع تمشي دلوقتي انتي لسه تعبانه.. غرام/لا انا كويسه جداا..وشكرا علي مساعدتك ليا... صقر بغيظ/مش عاوز اسمع شكرا دي تاني ...وانتي لازم تقعدي هنا يومين كمان غرام بصتله بعضب ومردتش عليه وبصت لادهم وقالت/انا عاوزه اطلع من هنا ياادهم ادهم حط وشها بين ايديه بحب/ياحبيبتي انتي لسه تعبانه اقعدي يومين بس ونمشي..... يومين بس عشان نطمن عليكي غرام بتكشيره/ماشي..طب ممكن اروح التوليت؟.. ساره قامت عشان تروح معاها لكن غرام قالت/راح فين انا بعرف اروح لوحدي مش تخافي ساره بغيظ/بس انا عاوزه اروح معاكي... غرام بصرامه/انا قولت هروح لوحدي .... ولدت غرام شاورت لساره تقعد وغرام قامت ولسه هتطلع من الباب مسكت دماغها وكانت هتقع لكن صقر لاحقها وساره ونورهان وقفوا وراحولها صقر بغضب/هي قالتلك هروح معاكي ....يبقا متكبريش .. غرام بصتله وساره ونورهان سندوها وودوها الحمام ******************************* اما عند هايدي كانت قاعده مع صاحبها ومضايقه سليم جه خدها وراح علي جنب سليم/مالك فيكي اي ؟..... هايدي بغضب/البت دي لسه عايشه ..... سليم بصدمه/ازاي دا كانت سايحه ف دماغها قدام عيني ... هايدي /معرفش .....البت دي لازم تموت باي طريقه ... سليم باستغراب/بس هي ذنبها اي اصلا عشان هي تموت؟.... هايدي بدون وعي/عشان متخودش حاجه بتاعت هايدي الشريف... سليم/وهش اخدت منك اي؟.... هايدي بغضب/انت بستجوبني انت ملكش دعوه انت تعمل اللي انا بقولك عليه..... سليم بتفكير/طب هي هتقعد ف المستشفي قد اي؟.. هايدي/يومين كمان عشان لسه تعبانه ......ليه؟ سليم بخبث/عندي فكره حلوه وهتمشي هايدي بسرعه /اي هي؟.. سليم/هكلم واحد اخليه يتنكر في ممرض ويدخل عليها يحطلها حقنه توقف قلبها يافي المحلول ياام ف جسمها وبكدا تروح فيها خلص هايدي عجبتها الفكره وانبسطت هايدي بفرحه/ طب وهتنفذها امتي بقي؟.. سليم /هخليه ينفذها بكره... هايدي بفرحه وهي بتحضنه/شكرا بجد انت اللي بتساعدني... يلا نروح نقعد معاهم عشان محدش يشك هايدي وسليم راحوا قعدوا معاهم وفضلوا سهرنين ******************************* اما ف المستشفي وبتحديد ف اوضه غرام كانوا قاعدين ادهم حب يعرف اللي حصل مع اخته ادهم وهو بصص لصقر/هو اي اللي حصل مع غرام؟ صقر افتكر لما كانوا ف العربيه فلااااش غرام بدموع باينه ف صوتها/ممكن متقولش لحد علي اللي حصل صقر بحزن علي صوتها/ليه ميعرفوش ليه؟...مش لازم يعرفوا غرام/هيخافوا علي الفاضي انا كويسه مفيش حاجه معايا...بس ارجوك متعرفهومش حاجه صقر/ماشي بس ه..... قاطعته غرام/مفيش بس ارجوك متعرفش حد ومفيش حد هيعرف حاجه ...وبعدين هيعرفوا منين واحنا مش هنتكلم صقر/حاضر ...بس متعملش حركه زي دي تاني اروجوكي... غرام/حاضر وال**ت سيطر علي المكان باااااك ادهم/ياصقر ف اي اللي حصل مع غرام؟.. صقر بابتسامه/مفيش حاجه حصلت معاها لاقتها ماشيه علي الطريق وانا لما شوفتها جبتها وجيت بس هو دا اللي حصل ادهم /اكيد.... صقر بابتسامه/اكيد ادهم فضل يتكلم مع صقر ومازن وادهم ارتاح لصقر ومازن واتصاحبوا بعد شويه البنات دخلوا وقعدوا اتضمنوا علي علي غرام صقر/يلا ياجماعه عشان الزياره قدمها خمس دقايق وهتخلص سهر/انا هبات مع غرام مش هسبها ساره/لا ياطنط انا اللي هبات مفيش حد هيبات غيري ادهم/انا اللي هبات ولا انتي ولا هي سهر/لا انا اللي هبات مع بنتي ساره/ياطنط مش هينفع انا هنا وقولت لبابا اني مع غرام ادهم/ما قولنا خلاص انا هبات مع غرام هنا وسهر طول الليل..وبص لغرام وغمز ليها/صح ياقلبي ههههه سهر/لا ا....... مكملتش كلامها بسبب غرام/بااااااس مفيش حد هيبات هنا كلكم رواحوا يلا ياسوسو روحي عشان ادهم...... وساره يلا ياحبيبتي عشان تكلمي عمو علي مازن عشان انا عاوزه البس صاحبه العروسه وافرح بقي..هههه كلهم صحكوا وفضلوا يتعركوا كتير مين اللي هيبات مع غرام نورهان بصوت عالي/باااااااس.... كلهم بصولها بفزع نورهان /اي بتبصولي كدا ليه؟....صوتكم عالي اوووي.....وكملت وهي باصه لغرام بمرح/اي رايك ابات انا هنا ياتونزي؟.... ورجعت بصت لصقر اللي هز راسه باه وهي ابتسمت وبصت لغرام مستنيه رايها غرام/لا عشان متتعبيش... نورهان بمرح/اتعب اي يافوزي قول كلام غير كدا ...دا احنا ليلتنا صباحي...هههههههه كلهم ضحكوا وغرام بمرح/ بس بأسلوب مجازي مش حرفي... نورهان بذهول مصطنع/حرفي احنا هنهزر احنا بتوع مجازي بس..هههههه صقر بص لادهم وقال بمرح/اعونك خانوك ياريتشارد ادهم بمرح/اخص عليكم ض*بت الودع ملقتش صاحب جدع اخص غرام بمرح/ايتاااااا استني هكتب اللحظه دي علي الفيس عشان تبقا ذكره كل سنه....صقر الشريف بنفسه بيهزر ...!! صقر بعيظ/ياااااا علي الرخامه غرام بمرح/يااااا علي البراده ادهم بضحك/يااااا علي الجنان كلهم ضحكوا وفضلوا يهزروا شويه وبعدها وقفوا وسلموا علي غرام وسابوها هي ونورهان وهما نزلوا وصقر افتكر حاجه راح يجيبها وهما وقفين مستنين رجع وهو شايل كيسين لونهم سود وطلع فوق وخبط علي الباب ودخل عطاهم اكيسين نورهان بفضول/اي دا؟... صقر/دي عصير وشيبسي وشكولاته حاجه تسليكم وانتوا قاعدين غرام بحماس/وحيات امك... صقر بصلها وغرام اترجعت/سوري ياسطا اصلي اتحمست بس.. صقر بذهول/ياسطا!!! غرام باستغراب/هو اخوك ماله مصدوم من ياسطا ليه؟.. نورهان بتوهان/هل تعلمي انك اول من قال لاخي.... ياسطا؟.. قالت الكلمه الاخيره بسرعه وكملت وقالت/ يعني علي الباصه دي ادعي وقولي ياارب ما يقلب الدنيا قوف راسك غرام بصت لصقر اللي بصته مش مفهومه بصتلها / الله يرحمني كنت طيبه اووي صقر/طب اسيبكم انا .....بعد اذنكم صقر طلع وقفل الباب وراه ونورهان مصدومه غرام ضحكت وخبطتها علي كتفها غرام/معملش حاجه الحمدلله كنت بتشاهد علي نفسي ف نفسي هههههه نورهان بصتلها بصدمه وقالت بغباء/هو مين اللي كان هنا دا؟... غرام بغباء هي الاخره/اخوكي..اي الغباء دا هو انا غ*يه عشان برد عليكي ف سؤال زي دا نورهان/بجد والله صقر عمر ما عده لحد لو قالوا كلمه زي دي غرام/عادي يانور بتحصل ...فكك خليني ف الشيبسي والحاجات اللي هو نفعنا فبيها من وراه ههههههه نورهان بضحك/لو تلاحظي انو اخويا بس دا ميمنعش انه نفعنا هههههههه فضلوا سهرنين وبيكلوا من الحاجات اللي صقر جابها اما بعد صقر ما نزل ادهم استغراب هو طلع تاني ليه ادهم باستغراب/طلعت تاني ليه؟.. صقر بابتسامه/كنت بديهم شويه حاجات البنات بتحبها كدا ادهم بخبث/وخد بالك انت.. صقر بغيظ/اركب ياض دا انت رخم... ادهم بضحك/عيني علي الحلو لما تبهدله الايام ههههه صقر بغيظ/تصدق انك تنح؟. ادهم بمرح/بعض ما عندكم ههههههه صقر/لا تناحتك عدتني بمراحل.....انا مش عارف هما يركبوا مع مازن ويسبوك ليا انا ليه ادهم كمل برخمه/رغم ان عربيتي هنا صقر بغيظ/عربيتك هنا وجاي تركب معايا يارخم ادهم ببرود وهو بيعدل نفسه علي الكرسي/ما هي عاوزه الفرده نايمه ومفيش حد يعملها....وكلم برخمه/وبعدين عربيتك مريحه صقر بضحك/انا مش عارف الاقيها جنانك ولا من جنان اختك ههههههههه ادهم بضحك/الاتنين ياضنايا الاتنين هههههه ضحكوا الاتنين وصقر ساق العربيه ووصل ادهم وروح اتعشا هو وولدته واخد شاور ونام علي السرير فضل يفكر في غرام طب لو انا موصلتش ف الوقت المناسب كان اي اللي هيحصل؟ هي لو كان حصل ليها حاجه انت مكنتش هعيش بعد كدا؟ انت بتحبها ياصقر لا بتعشقها فضل يفكر لحد ما نام من كتر التعب ف صباح يوم جديد علي ابطالنا صقر قام من نومه اخد شاور ونزل لولدته لاقها قاعده نزل باس راسها صقر/صباح الخير ياست الكل ناهد بابتسامه/صباح الخير ياحبيبي...اي نازل بدري ليه كدا؟ صقر/هطمن علي نور واشوف غرام واروح الشركه ناهد بابتسامه/ربنا معاك ياحبيبي انا هبقي اروحلها الضهر كدا ....وكملت بخبث/وتجبلي عروسه هنا صقر بابتسامه وهو طالع/قريب ياست الكل قريب طلع وركب عربيته وماشي بيها ********************************* اما عند غرام ف المستشفي كانت نايمه هي نورهان وباب خبط ودخل واحد لابس لبس ممرض وكان حاطط كمام نورهان مستريحتش ليها نورهان بصرامه/نعم في حاجه؟.. الراجل بتوتر/لا بس الانسه ليها حقنه نورهان/حقنه اي هي كويسه الراجل بتوتر/بس هي لازم تخدها نورهان/ثواني لما اصحيها الراجل بتوتر/ماشي اتفضلي نورهان دخلت لغرام تصحيها وهي مش مرتاحه نورهان/غرام ياغرام قومي عشان تخدي الحقنه غرام اول ما سمعت كلمه حقنه نطط علي السرير بسرعه لدرجه فزعت نورهان نورهان بغيظ/ف اي يابنت المجانين غرام بخوف/حقنه اي اللي اخدها؟...انا عمري ما اخدها نورهان/عشان تصحي ياغرام ونطلع من هنا غرام/لا والف لا نورهان دخلت الراجل وغرام اول صرخت/عااااااااا لا مش هخدها لااااااا نورهان حطت ايديها علي ودنها من صوت غرام والمستشفي كلها اتلمت بره الاوضه والاوضه مقفول ومره واحده انفتحت والراجل وقف بصدمه..... ترا من هو الذي دخل الغرفه هكذا؟ ------------------------------------------- بقلمي/ ✍️ Aya salama ------------------------------------------ يااارب البارات يعجبكم...... بجد وحشتوني اسفه بجد بقي علي التاخير وموعدنا هتكون يوم اه ويوم لا عشان البارات يكون كبير ونستمتع بيه وقولولي رايكم ف الكومنتات باااااااي هتوحشووني

Free reading for new users

Scan code to download app

App Store Google Play

Facebookexpand_more