XANTINA
Nasa parking lot na ako kung saan gaganapin ang birthday party. Inalis ko na ang seatbelt ko at mabilis akong bumaba ng kotse habang dala ko ang mini bag ko pero napahinto ako nang tumunog ang phone ko kaya kinuha ko agad iyon.
SI Mama ang nag-message pero picture ang una niyang pinadala. Medyo mahina pa ang signal kaya nag-loading pa iyon pero mahigpit akong napahawak sa phone ko nang makita ko kung ano iyon.
It’s Yohan and Steffani having a dinner right now.
Mama: Don’t ruin a relationship, X. Stay away from him.
Iyon ang kasunod na mensahe ni Mama. Mapaklang natawa ako sa nabasa ko. Talagang pinaniwalaan niyang mang-aagaw ako at sinisira ko ang relasyon nina Yohan at Steffani. Mas lalong nagngitngit ang kalooban ko. Si Yohan, ang lakas ng loob niyang itanggi na wala silang
