XANTINA
Matapos kong kumain kasama si Czarina ay niyaya niya akong uminom kahit maaga pa at dahil ako ang may-ari ng Freedom ay dito ko siya niyaya.
“You own this place?” tanong niya sa akin. Inikot niya ang mata sa buong paligid bago siya naupo sa high stool.
“Yes,” sagot ko.
Pumasok naman ako sa bar counter at kumuha ng alak para ipagtimpla siya. Gumawa ako ng dalawang Long Island at binigay ko sa kaniya ang isa.
“Thanks.”
Tinitigan ko siya habang tumitikim siya ng alak na binigay ko sa kaniya at napakunot ang noo ko nang makita kong namamasa ang mga mata niya nang mag-angat siya ng mukha.
Siguro naalala niya ang mama niya. Death anniversary nito ngayon gaya ng sabi niya kaya siguro ganiyan siya.
“Masarap siya,” saad niya. “Alam mo bang hindi ito ang unang beses ko rito?”
Kumuno
