"Ah... oo! Dinala ko siya banyo. Natapunan kasi ng juice yung damit niya kaninang kumakain kami... hinihintay ko na lang siyang matapos dito.” Pagdadahilan ni Leo.
"Ah..." sagot ng kapatid ko.
Hindi mahulaan sa tono ng kapatid ko kung naniniwala ba siya sa sinabi ni Leo o sumasang-ayon lang pero isusumbong niya pa rin kami kay daddy?
"Sige, ligo muna ako. Pawis na ako eh."
Nang marinig kong umalis na si Rumble, binuksan ko ang pinto at lumabas ng kwarto. Lumingon si Leo at inalalayan ako papuntang sala.
"Tingin mo naniwala yung kapatid mo sa alibi ko?" Nag-aalala pa ring tanong niya.
Nagkibit ako ng balikat. "Malalaman natin ‘yan pag-uwi nila daddy kung hindi magsumbong ‘yang si Rum."
Namutla si Leo. Kinabahan siya bigla. "Mahal, baka pagbawalan na akong pumunta rito. Pa'no kung
