"Where is Leo?" Tanong ng babae sa kabilang linya. Maawtoridad ang boses niya.
Sumagot pa rin ako kahit nag-aalangan ako. "Ah... nakapila po siya sa cashier. May I know who's this?"
"Ano? Hindi mo ako kilala?" Naging tunog mataray na ang boses sa kabilang linya. "Ikaw 'ata ang dapat kong tanungin kung sino ka. At bakit hawak mo ang cellphone ng anak ko?"
Anak?!
Suminghap ako at namilog ang aking mga mata ko. What! I'm talking to his mom! Pero bakit hindi naka-save ang number?
Hindi pa ako nakakasagot nagsalita na ulit ang mommy ni Leo.
"Nevermind. Just tell him to call me back." Pagkasabi niyon ay nawala na ito sa kabilang linya.
Napatitig ako sa screen ng cellphone at napaisip bigla. Sa ilang buwan naming magkarelasyon ni Leo, kahit isang beses ay hindi pa niya ako ipinakilala
