Alas-onse na ng gabi nang matapos ligpitin ni Sienna ang mga laruan sa kuwarto ni Lucas. Tulog na tulog na ang bata, yakap-yakap ang kanyang paboritong asul na unan. Lumabas si Sienna ng silid at dahan-dahang isinarado ang pinto para hindi makagawa ng ingay.
Tahimik na ang buong mansyon. Patay na ang karamihan sa mga ilaw sa hallway maliban sa mga maliliit na bumbilya sa may dingding na nagsisilbing guide sa dilim. Habang naglalakad siya pababa upang kumuha ng isang basong tubig sa kusina, narinig niya ang tunog ng sasakyan na pumasok sa malawak na gate ng De Luca Mansion.
Sumilip si Sienna sa bintana sa may landing ng hagdan. Nakita niya ang itim na sedan ni Xavier na huminto sa tapat ng pinto. Ilang sandali pa ay bumaba roon si Xavier, bitbit ang kanyang coat sa isang kamay habang nilu
