May magandang balita sa kalagayan ni Bunsoy. Iyon ang sinabi ng binata sa akin kagabi. Kaya naman maganda ang gising ko. Kahit pa napuyat kami kakakanta ng tama roon sa kahit maputi na ang buhok ko. Oo, iyon nga.
Naghihilik pa ito kaya naman lumabas na ako para magbanyo. Pagkatapos magbanyo at maghilamos ay bumalik ako at nagsuklay saka inipitan ang buhok ko. Hindi raw ako dapat lumalabas na hindi pa nakapagsuklay kaya naman inayos ko muna ang sarili ko bago lumabas.
"Good morning, Aurora!" bati ni Manang Mercidita sa akin.
"Magandang umaga rin po, Manang." Nakangiting bati ko rito.
"Ano pong ginagawa ninyo?" takang tanong ko sa kanila. May kasama pa itong dalawang babae. May mga Pera sa harap nila, tapos may baraha na hawak-hawak ang mga ito.
"Tong its ito, Aurora. Marunong ka?"
