Chapter 69
Alora’s Pov
LUMIPAS ang ilang buwan ay unti-unti ko ng natatanggap na hindi ko na kasama si Hellion. Wala akong balita sa kanya. Hindi na din ako bumili ng cellphone at baka hindi ko makontrol ang sarili ko na tawagan siya at hanapin ang social media na ginagamit niya.
Mas pinili ko yun at nakikipag usap na ako sa mga tao dito. Nakikisalamuha na ako sa kanila kaya may mga kakilala na din ako dito sa probinsya. Lumalabas na din ako at kahit malungkot ang puso ko ay nakikipag kwentuhan ako sa ibang tao upang mawala ang lungkot na nararamdaman ko.
Bumili na din ako ng gamit ko sa bahay. Kahit mabigat ang loob ko ay pinaganda ko ang maliit kong bahay. Minsan ay mainit ang panahon dito kaya nagpakabit na din ako ng aircon sa kwarto ko. Pakiramdam ko kasi ay magtatagal ako dito.
