Mang Domeng's Chronicle

Si Engineer

"Parytsa pa pari papa beyepempnde ginsenten tehlando payeoepe gorisbersitu lendandon papa pira pira dila dila nidalande teko pampento tehlando...", ring ng cellphone. Naalimpungatan na ako ganu'n din si Cza. Pero 'di ko agad sinagot ang tawag. Magme-message naman 'yun kung importante talaga, sabi ko sa isip-isip ko.

"'Di mo sinagot 'yung tawag mo?", usisa ni Laloves habang magkayapos kami.

"Tatawag uli 'yun kung importante. Linggo naman walang pasok.", tsaka ko siya nilambutsing na nagpangiti naman sa kanya. Naglaplapan uli kami kaso tumunog uli ang cellphone ko.

"Loves, sagutin mo muna baka importante 'yan.", kaya bumangon na ako at binuksan ang ilaw mula sa control panel malapit sa kama. Saka ko kinuha ang cellphone ko. Si Engineer ang dalawang beses nang tumawag sa akin.

"Sino yan, Loves?", inilapit ko sa kanya at ipinakita ang phone.

"Engineer?"

"Oo, sa eskwelahan ito. Kasi i-che-check nila kung anong mga kailangang i-repair."

"Ahh... importante nga yan, Loves."

"Nagugutom ka na ba?", tanong ko kay Cza.

"Oo..."

"Tawagan ko muna 'yung room service, ipainit natin yung lomi at crispy pata kagabi. Kumakain ka ba ng lomi, o kanin na lang? Kung gusto mo order ka ng bago. Garlic rice?"

"Gusto ko 'yang lomi. Pwede na 'yan, madami pa e."

"Mag-ayos ka ng damit aakyat dito yung room attendant para kunin 'yang ipapainit. Ako, lalabas magpapa-load tatawagan ko si Engineer."

"Sige. Maliligo muna 'ko.", sabi ni Cza.

Tsaka ko inayos lahat sa telepono. Pagkasuot ko ng mga damit ko ay dali dali akong lumabas ng k'warto at pumunta muna sa front desk para ipaalam na aalis ako sandali.

"Sir, i-surrender n'yo po 'yung susi ng room."

"Nasa loob po, Ma'am. Nandu'n naman ang kasama ko, e. May bibilhin lang ako saglit."

"Valid I.D na lang po, for security purpose po."

"Okay... eto po, Ma'am", inabot ko ang driver's license ko.

"Thank you, Sir."

Mabilis akong lumakad papalayo. Kailangan makalampas muna ako ng gate. Tsaka ako pumindot ng call button para tawagan si Engineer.

"Hello, Ma'am Korin? Tumatawag ka pala 'di ko naririnig, e."

"Nasa'n ka?", si Korin.

"Dito 'ko sa 'min sa Bulacan."

"Busy ka?"

"Hindi naman, namamalengke..."

"May gagawin ka ngayong araw?"

"So far wala; kasi weekend e."

"Kita tayo?"

"K-kita tayo? B-bakit? A-anong oras?", natataranta kong boses.

"Tawagan mo 'ko, free ako buong araw. Ito lang ang rest day ko. Bukas tuloy tuloy na uli trabaho namin. Nangangarag ako, gusto lang kitang makasama... alam mo na."

"S-sige. Tatawagan kita. Tatawagan kita. Baka mga hapon na."

"Okay. Basta tumawag ka kung may changes."

"Sige.. sige.."

Ang layo ng nalakad ko at nakarating sa may palengke. At nandun na rin lang ako ay binilhan ko na ng t-shirt si Cza, tantiya ko naman ang sukat ng kanyang katawan, para at least ay may maisuot siya habang kami'y nasa lodging inn pa. Pagkatapos nu'n ay bumalik na rin ako kaagad.

Madalas kaming nagkikita ni Engineer Korin simula pa nu'ng intern pa lang siya kasa-kasama ang mga senior niyang kapwa engineer kapag nagi-inspeksyon ng eskwelahan. Hanggang sa ito ngang huli ay siya na yung may hawak sa mga gagawing repairs sa aming eskwelahan. Hindi ko alam eksakto ang trabaho niya basta siya ang gumagawa ng plano after ng inspection. Tsaka siya may papupuntahing contractor na magsasagawa ng repair. Kaya lang one time nabiro kami ng tadhana.

Bakasyon na rin siguro nu'n dahil wala nang mga bata sa school. Wala kaming guwardiya at nakakampante na secured ang kabuuan ng eskwelahan dahil sa matataas na pader na nakapalibot dito at barb wires. Para s'yang maximum security compound; na may apat na building at may maliit na quadrangle sa gitna. Kada isang building ay hanggang ikatlong palapag. Kaya mas gusto ko ng nananatili rin dito kaysa umuwi araw araw sa Bulacan. Pinayagan naman ako ng principal, at malaking tipid din ito sa daily expenses ko gaya sa gasolina, at oras na rin. 'Di na ako nagkaka-absent at late dahil pagka-gising ko ay p'wede na ako mag-time in agad, di pa ako pagod sa biyahe.

"Tok tok tok... Knock knock!!", may kumakatok at anumang hina nun ay nahagip pa rin ng aking pandinig kahit naroon ako sa aking quarters. Buti at nasa labas ako habang nagluluto ng adobo. Pinatay ko na muna iyon dahil luto na rin naman saka ko tinungo ang gate para pagbuksan ang kumakatok.

"Oh, Ma'am, ikaw pala?"

"Sir Bobby! Good morning po!", masiglang bati ni Ma'am Korin sa akin.

"Pasok po kayo, Ma'am!", napansin ko bakit siya lang mag-isa."

"Wala yata kayong kasama, Ma'am? Kayo lang mag-isa?"

"Madami kaming pinupuntahang school, e. 'Di ba last week ang lakas ng ulan. Baka maraming damage sa mga schools."

"Ah, sabagay, Ma'am..."

"Kaya naghiwa-hiwalay na kami. Isa kada school para ma-ocular namin lahat at ma-consolidate para kung anumang repairs ang kailangan ay maisama agad sa budget."

"Sige po, Ma'am, samahan ko po kayong mag-ikot."

"Ikaw lang din ata ang mag-isa dito, Sir?"

"Wala pa kaming mga g'wardiya, Ma'am, e. Inaantay namin ang ipapadala ng City, 'di pa dumarating. 'Yung mga utility naman namin mga nagpa-vaccine kaya wala ngayon masama daw pakiramdam. Baka epekto ng vaccine."

"E, ikaw, Sir nagpa-vaccine ka na?"

"Ayoko, Ma'am, baka mamatay ako!"

"Ayaw mo magpa-vaccine? Buti hindi ka nila sinisita dito?"

"Wala naman silang magagawa kung ayaw ko, e. Medical procedure ang bakuna, 'di dapat ipinipilit sa tao yan."

"Correct ka d'yan, Sir!", mukhang pareho kami ng paniniwala ni Ma'am Korin.

....

Nasasapantaha ko sa aking gunam-gunam ang mga tagpo naming 'yun ni Engineer Korin habang naglalakad ako pabalik sa lodging inn.

Pagkabawi ko ng driver's license ko sa front desk ay dumiretso agad ako sa aming k'warto.

"Tok tok", katok ko sa pinto. Pinagbuksan ako ni Cza, at napansin kong suot niya ang t-shirt noong naka-angkas s'ya sa aking motor. Sinita ko siya.

"O, ba't wala kang suot na shorts?"

"Meron, eto o!", inangat niya, at yung maroon pa rin ang suot niya. Amoy ko ang lomi at crispy pata. Nanghihinain na siya ng almusal.

"Kain ka na rin, Laloves.", alok n'ya sa akin.

"Binilhan kita ng t-shirt para sana pamalit mo para di mo suot suot yan. At baka matuluan, mamantsahan."

"Ay, thank you! Amina magpapalit ako."

"Bibilhan din sana kita ng panty, kaya lang di ko alam kasya sa iyo!", natatawa siya nung narinig niya yun!

"Ha Ha! Baket???"

"E, 'di ba dalawa lang dala mong panty? Baka wala ka nang pamalit mamaya."

"May isa pa ako, di ko pa suot. Gagamitin ko mamaya pag-uwi natin. Kain ka na d'yan."

"Sandali lang.", tsaka siya naghubad ng t-shirt at ipinalit yung binili ko. Bumalik siya sa pagkakaupo sa hapag at sabay kaming nag-almusal.

....

Inikot namin ni Engineer Korin ang eskwelahan para makapagtala ng mga kukumpunihin.

"Ma'am, ayan pong alulod tsaka 'yang punong akasya ang problema. Naiipon kasi mga nalalaglag na mga dahon d'yan kaya 'di nagtatagal ang alulod nasisira kaya panay ang palit.", nasa second floor kami para matanaw ang gawi na yun."

"Ipapuputol n'yo na 'yang puno, Sir?"

"Ayaw ni principal, e. Siguro 'yung mga malalaking sanga 'yun lang ang puputulin. Yung talagang nakatapat sa bubungan. Isinusulat ni Ma'am Korin ang mga nakikita naming mga dapat kumpunihin.

Inikot pa namin ang iba pang gawi ng eskwelahan para makakita ng mga kumpunihin. Matiyaga si Engineer na umakyat panaog at maglibot sa buong eskwelahan. Halos kapantay ko ng taas si Ma'am Korin, malaking bulas na babae. Malaman, na siksik... Half-Chinese s'ya pero mas Pinay looking, nakuha niya ang kayumangging kutis ng kanyang nanay. Mala-Gabi Garcia ang mukha na bababoom ang katawan. Binubuntutan ko siya dahil nahuhuli ako sa pagakyat niya sa mga hagdan. 'Di ko naman maiwasan na titigan ang kanyang malaking p'wet. Ang bibilog, bagay na bagay sa malaman niyang katawan. Nagmumukhang maliit ang kanyang waistline dahil sa pamakuan niyang 'yun.

Nakarating kami sa 3rd floor para tignan yung mini gymnasium. Tinignan namin 'yun kung may mga senyales ng tagas ng tubig kapag umuulan.

"Obserbahan n'yo po ito, Sir Bobby, kapag malakas ang ulan para alam natin kung paano ang waterproofing na gagawin."

....

"Uy, Loves, bakit 'di ka kumakain?", habang abala akong nagta-type sa cellphone ko at di mabuo-buo ang mensahe.

"Okay lang ba, Laloves, balik na tayo after lunch?", biglang desisyon ko.

"Huh?", si Laloves.

"Kasi, eto nga tinatawagan ako kanina ni Engineer may kailangang ipakitang plano sa akin."

"E, di ba Linggo, walang pasok?"

"'Yun din ang sabi ko, e. Kaya lang simula Monday daw busy na sila masyado.", pagsisinungaling ko pa.

Napapatigil si Czarina sa pagkain. Nawala yung sigla niya nang marinig 'yun.

"Loves, natahimik ka ata?", hindi siya kumibo na nakatingin kung saan at parang lumalim ang iniisip.

"Cza...", niyugyog kong bahagya ang braso n'ya para kunin ang atensyon niya.

"Ite-text ko si Mama.", sabay tayo nya at kinuha ang cellphone.

"Sabihin ko, uuwi ako ng.... ala-una ba?", sabi n'ya nang pagbalik sa inuupuan.

"Oo. Aalis tayo mga 11 or 12.", minamasdan ko lang siyang nagse-cellphone.

"Kain ka pa, a. Maliligo muna ko.", para maputol ko sandali ang usapan.

"Uhm, uhm...", oo lang n'ya.