Habang nag-aabang si Haruhi sa circle ay umakyat siya sa fountain at saktong dumating ang Muscle. Hinampas ng Muscle ang fountain gamit ang kamao niya at nagulat si Haruhi sa atakeng iyon pero agad niyang inihagis sa ulo ng Muscle ang dala niyang bote. Nabasag ito at lumiyab ang buong katawan ng Muscle. Si Haruhi naman ay gumulong sa lapag pagkatapos niyang tumalon pero agad siyang nakatayo at nagsimula nang tumakbo. Naririnig niya ang sigaw ng Muscle pero hindi iyon ang pumigil sa Muscle para habulin siya ulit. Tumakbo si Haruhi nang tumakbo at nakasunod din sa kanya ang Muscle.
“Bilis na...” sabi ni Haruhi sa kanyang sarili habang tumatakbo palayo sa Muscle.
Naririnig niya ang yapak ng Muscle na dumadagundong sa buong paligid kapag tumatakbo siya. Si Haruhi ay lumiko sa kanan niya par
