Lihim na lamang nangiti si Marco nang makitang tulog na si Vrenda at hindi na siya narinig nito. Maya-maya ay napaisip siya. Mas kaya niyang kaharapin ang consequences na mangyayari kung malalaman nito na siya si Marco kaysa ang pakasalan si Gwyneth. Kanina nang maghiwalay sila ni August, bigla ay hindi siya makapaghintay na makita si Vrenda kaya kahit mag-a-alas diyes na ng gabi ay bumiyahe siya para puntahan ang kasintahan. Tama ang kaibigan, pakakasalan niya ito pero i-a-ayos muna niya ang lahat.
Kinabukasan ay maaga siyang nagising samantalang si Vrenda ay tulog na tulog pa sa kama. Napangiti siya dahil napaka-inosente nitong tingnan. Minsan ay hindi pa rin siya makapaniwala na nasa piling na niyang muli ang dalaga. Kahit gaano kasi katagal itong nawala ay hindi nagbago ang pagmamaha
