Wala na siyang nagawa kung hindi muling dumulog sa mesa. Batid niya ang maya't mayang sulyap nina nanay Ditas at Glenard, kung minsan pa nga ay lihim na nagkakatinginan ang mga ito sa gitna nang pagsubo. Hindi siya makapag-angat ng tingin dahil nag-uumpisa nang mamasa ang kanyang mga mata. Nakakatampo naman kasi, ni hindi man lang siya pinansin ni Marco bagkus ay tila ipinahiya pa siya sa dalawa. Idagdag pa na nagpakahirap siyang magluto pero ni hindi man lang nito ginawang tikman.
"Nagselos na naman ang kumpadre ko. Tsk! Tsk!" asik ni Glenard maya-maya.
"Hindi naman siguro, hijo," anas ni Nanay.
"S-sasandok lang ako ng kanin," iwas ko na dagling tumayo para iiwas ang mukha at tapusin na rin ang usapang iyon. Ayaw niyang kung saan saan pa mauwi ang salita ng mga ito.
MARCO
"Hind
