Pagkarating nila ng ospital ay agad namang dinaluhan ng mga nurse si Julz. Kitang-kita pa rin ang takot sa mga mata ni Andrew. Ganoon din kay Dimitri. Nang mangyaring nawalan ng malay si Julz noong nakaraan, ay wala siya at nakita na lang niya itong nakahandusay sa sahig. Kaya naman ngayong nakita niya, ang hirap na pinagdadaanan nito ay parang may tumutusok na punyal sa kanyang puso. Hindi malaman ni Andrew kung dahilan pa ba iyon ng nawalang alaala ni Julz, na unti-unting bumabalik, o kaya naman ay epekto talaga ng pagkakahampas ng ulo ni Julz sa matigas na bagay noong naaksidente nito.
Muling isinalang si Julz sa CT scan. Hanggang sa magulat ang doktor na mayroon pa ring naiwang maliliit na crack sa skull ni Julz na siyang pinagmumulan ng matinding pagsakit ng ulo nito. Hindi agad iyon
