Suna's POV:
"Pasensya na po ulit kayo sa abala, maraming salamat ho sa pagpapatuloy niyo saglit sa asawa ko. Alalang-alala na ho kaming lahat sa kaniya dahil bigla siyang nawala," sabi ni Zy kila Mang Dorong.
"Ay iho, alagaan mo iyang asawa mo. Naku, ay kagandang dalaga! Kapag iyan ay nadale ng mga nangunguha ng van diyan sa crossing ay baka hindi na tuluyang makauwi!" pananakot ni Mang Dorong kay Zy.
Naiiyak pa rin ako habang nakikinig sa usapan nila. Alas syete na pala ng gabi kanina nang magising ako at magsasara na sila Mang Dorong ng maaga dahil wala raw benta. Agad naman akong nagising kanina dahil sa kanila. Baka kung hindi nila ako kinibo ay abutin pa ako ng alas dyis bago magising.
Nakaupo pa rin ako rito sa inuupuan ko kanina, hindi pa ako tumatayo. Kakarating lang kanina ni
