"KUMUSTA KA D’YAN, INSAN?" tanong ni Jessy.
"Okay lang sana kung walang impakto dito sana," sagot ni Aleah. Kausap niya ang kaniyang pinsan sa cellphone. Habang binabantayan at hindi niya inaalis ang tingin niya sa alaga niyang gumagawa ng assignment.
Kanina ay sinamahan niya ito sa school. At grabe, nalula siya sa lawak ng paaralan na pinapasukan ni Charisse. Ang ganda. Pang mga rich kid talaga. Walang-wala 'yong school nila noon sa probinsya na kung hindi tumutulo ang bubong ay kulang na lang bumagsak. Pak na pak ang school ni Charisse.
"Baliw ka talaga, Insan." Nagtatawa si Jessy. Alam nito syempre kung sino ang tinutukoy niyang impakto.
Natawa rin siya konti. "Kaasar 'yon, eh. Imagine pinaglagyan talaga ng mga CCTV ang kuwarto ni Charisse. Akala mo'y ki-kidnap-in ko ang kapatid niy
