Hinintay ako ni Blayz sa coffee shop hanggang sa matapos ako sa aking trabaho tulad ng dati. Akala ko nga may gagawin na naman siya sa akin sa restroom pero buti na lang wala at baka may makahuli na talaga sa amin. Imbes na dumiretso kami umuwi, niyaya niya ako na mag-date kami sa malapit na park dahil may event daw na nagaganap doon. Syempre pumayag ako kaya lang baka may makakilala sa amin kaya worried din naman ako. Pero naghanda na pala siya at may cap siyang dala at dahil malamig ngayong gabi, may dala rin siyang jacket para sa akin. Nagpasalamat ako sa kanya at sinuot ko ito kaagad.
Marami ng naka-park na sasakyan nang makarating kami roon. Mabuti na lang at may nakita pa kaming parking space. Mula sa kinaroroonan namin, may naririnig na akong ingay at nakikitang colorful lights sa
