Kinabukasan, may police na dumalaw sa akin para kunan ako ng statement sa mga nangyari. Sinabi ko ang lahat rito, mula sa pagkakarinig ko ng boses ng lalake, sa pagpunta namin sa park na nakasunod sila hanggang sa pagtangay nila sa amin sa madilim na parte ng park na walang katao-tao. Tumango-tango lang naman ang detective tapos ay tumingin siya sa akin na may duda sa kanyang mga mata.
“Sinabi mo na pamilyar ang boses ng lalake sa’yo. Nakita mo rin ang suot niyang relo na kapareho ni Captain Blayz.” sabi nito at tumango ako. “Paano mo nalaman na may kinuha siyang relo?”
“Dahil nandoon ako sa kwarto ni Captain habang hinahalughog nila ito. Kumuha sila ng mga gamit nito at kasali naroon ang mga mamahalin niyang watches.” sagot ko naman.
“Miss Rodriguez, alam mo ba ang password ng secur
