"Hoy!" sigaw ni Tita Judy, halos sumabog ang eardrums ko sa lakas. Ako naman, tulog na tulog sa kama niya na parang walang pakialam sa mundo. Sobrang sarap ng tulog ko, akala mo nasa ulap ako. “Clin! Gumising ka na!” Sigaw ulit niya, at this time mas malakas. “Kung hindi pa ako umuwi ng maaga, baka nagutom na si Rush dahil sa katamaran mo!” Napalunok ako nang marinig ang bulyaw niya. Alam ko, patay na naman ako sa sermon nito. Pero teka, sandali nga, ‘wag mong sabihing nakatulog ako all this time at bakit parang galit na galit si tita sa akin. Anong nangyari?
Napamulat ako nang pilit dahil sa ingay niya. Napatitig ako sa paligid—medyo blurred pa ang paningin ko kasi bagong gising. Kinapa ko naman kaagad ang sarili ko, checking kung okay pa ba ako. Ayun, suot ko pa naman lahat ng damit ko.
