Nakahiga ako sa kama at nakatingin sa kisame ng kwarto ko. Sa totoo lang, wala naman talaga akong ginagawa. Tapos na akong kumain at nalinis ko na rin ang gamit ko kanina, pero ewan, parang ang daming gumugulo sa isip ko ngayon. Kung hindi si Tita Judy ang iniisip ko, malamang si Rush, o kung ano pa man. Siguro dahil na rin sa mga nangyari kanina. Isipin mo ‘yon, sa dami ba namang pagbuntungan ng galit ni Rush, si Pinky pa. Talaga naman.
Napatawa nalang talaga ako nang mahina habang iniisip ang eksena kanina. Grabe si Rush, kahit hindi siya nakakapagsalita, ang galing niyang magparamdam. Klarong-klaro na ayaw niya kay Pinky, ang bago niyang tutor na literal na party girl kung manamit. Parang nasa club araw-araw.
Kahit naman siguro ako si Rush ganun din ang gagawin ko. Pero hindi ako si
