NAGTAMA ang mga mata namin. Namumungay ang kanya na animo’y naiintindihan nito ang pinagdadaanan ko. Hindi ko napigilan ang mapangiti kasabay ang dahan-dahang pagtango.
“Lahat naman ng anak ay gano’n ang gagawin. Lalo na kung panganay ng pamilya,” dagdag ko pa. “Maganda ang kita sa bar. Kaya lang ay may nakilala akong mga lalaki na nagpabigat ng trabaho ko ro’n. . ."
“Kami ba ‘yon?”
Pareho kaming tumawa. Ininuman ko ang beer na hawak ko at pagkatapos ay kumuha naman ng isang piraso ng lemon at sinipsip iyon.
“Sino pa nga ba. . ." bulong ko.
“I heard you.”
“Hindi ko naman itatanggi. . ."
“I’m sorry for everything, Elle," seryoso niyang saad sa akin dahilan para mapaawang ang aking labi. "For the insult you heard from Lance, for Ehryl’s action and. . .” Lumunok pa ito bago muling
