Kabanata 24
“Jusko, Walter! Bakit hindi mo man lang sinabi sa akin ang totoo?” Naluluhang bulalas ni Mariella pagkatapos niyang mapakinggan mula kay Walter ang mga totoong nangyari kay Eszio sa Germany.
Halo-halong pagsisisi at pangungulila ang umuusbong sa dibdib niya habang nakatitig sa pinto ng hospital room kung saan naroon ang lalaking wala pa ring malay hanggang sa mga sandaling iyon.
Mahigit apat na oras na mula nang sinugod nila si Eszio sa ospital pero hanggang ngayon ay hindi pa rin ito nagigising. Ayon sa doctor na sumuri kay Eszio ay may bumukas daw na tahi sa sugat nito na kailangang tahiin ulit.
Tila aatakihin sa puso si Mariella sa nangyari rito lalo na nang malaman niyang gawa ng tama ng bala pala ang sugat na iyon sa likuran ni Eszio. Ngayon ay abot-langit ang kanya
