Sobra talaga akong nagulat nang may humawak sa aking pulsuhan. Agad akong tumingin sa taong humawak sa akin. Walang iba kundi si Wallace. Salubong ang kilay ng lalaki habang nakakatingin sa aking mukha.
“Wallace--- I-Ikaw pala iyan,” alanganin na sabi ko sa aking asawa.
“Saan mo naman balak pumunta, Hazel?!”
“Ano ka ba, mag-jogging ako dahil pakiramdam ko'y ang taba-taba ko na kasi. Teka, mag-jo-jogging ka rin ba, haring Longganisa?” Ngunit nagpumilit akong kumawala mula sa pagkakahawak niya sa akin. Kaya kang mas lalong humigpit ang pagkakahawak niya sa akin.
“Huwag mo akong pinagloloko, Hazel at alam kong ako ang sinusundan mo, babae!”
“Ang kulit mo naman, eh, sinasabi ko na ngang hindi kita sinusundan. Saka, may sarili akong lakad, Haring Longganisa. Kaya puwede ba bitawan mo na
