AZUL
Parang maiiyak ako habang tinitignan ang scroll na nasa lupa. Tinignan ko ang timer. 8 minutes na lang.
Nakita ko rin ang masaya at nakangiting mukha ng mga kasama ko. Sulit ang pagod namin dahil sino bang mag-aakala na ang ang laman pala ng Giant Bug na 'yon ay ang forbidden scroll?
Mabuti na lang. Mabuti na lang at kinalaban namin ito. Dahil kung hindi, baka hanggang ngayon ay naghahanap pa rin kami ng scroll na 'to.
Akmang pupulutin ko na ang scroll nang biglang may humaklit n'yon sa lupa.
Sabay-sabay kaming napasinghap at nakita ko ang nakangisi at nakakalokong mukha ni Jerry sa amin. Katabi pa nito ang nakakabwisit ding mukha ng kaibigan nitong si Ralph.
Nasa kamay ni Jerry ang scroll namin.
Akmang susugurin ko si Jerry ngunit humarang si Jordan at sinenyasan ako nito
