HINDI MAGANDA ang kutob ni Amelia sa gagawin ni Charlotte sa ama nito. Panay na ang awat niya rito matigas ito. Hindi paawat. Buo ang loob at handang sumugal. Natatakot siya para sa pinsan. Kahit pa sabihing mahal na mahal ito ng ama ay baka hindi magdalawang isip ito na saktan siya.
Lihim siyang nanalangin na sana ay walang mangyaring masama rito. Nakatayo na siya ngayon sa tapat ng bahay ni Aling Nena. Ayaw sana niyang iwanan si Charlotte ngunit hindi naman siya manalo-nalo sa mga desisyon nito.
"Amelia, anong ginagawa mo rito?" takang tanong ni Mira nang madatnan siya nito sa labas. Mukhang galing ito sa bayan dahil may dala itong eco bag.
"Ah, pasensya na, Mira kung hindi na ako nakatawag para magsabi na tutungo ako rito. Nandiyan ba si Aling Nena?"
"Wala, e. Bakit? May problema
